شيريد يصير شعر شعبي
حلم مريود
شريد ايصير لو
طيف النبي إبراهيم يفدي العوز مو كبشه
وشريد يصير لو ليل اليفك حزنه
يعيد خاطره ابغبشه
وشريد ايصير
لو ميت ابعيني ابساعه الملكه
مسخ تابوت ،،،
انه برغبت جرف
وانت بثدايه الماي
تزف موت المشه ابنعشه
شكلك وانت بيك انسان ينزف خصره من يمشب
دراودني ؛؛ دراودني ع طيشي وشوفني ابكلشي
مو من طين من خمره لصير وياك
لجن اجفاك عوزي عوزي وبلوتي وبلواك
شيريد ايصير لو طفله حصرتي عليك
تلعب ب الرياض البيك
وتنشد واهس الشياب
من ايطك خضار الروح ويدور ذنب تعبان
بس وي الغواني يعيش
وتفز اليش ليش وليش ،،،
شاب ابسوك طول ابعرض
كله تموت ويعامل العيشه ابيش
وتفز اليش حد كفضه الدنيه ابخلك تعبانين
ومواكح نثايه ابحيل مرتاحين
شريد ايصير لو انه ولهفتي وحيلي ومتاناك
لو مره ع بابك ننحسب زينين
ومو زينين من صارت ودارت وحنه مو زينين
هيج من الله مو زينين
بركت والفرج ماكول
وين الله وين الله وغطاه الطين
كل هذا وبعدني وياك
وتكبص هوى الفرحه
وشوفك تركص وي الطيف
بس اجروحنه امسنحه
ورد انوب وترياك
شسوي بشوفي المراوس
مثل زفه كصب للماي
ازف اجروحي الك واهس
دشتلني ع خصرك ليل
لطك ابشبكتك عابس
يمن يمن حسنك خمس بيبان
شفت الاربعه وفزيت
اريد اتوجد الخامس
رد مع اقتباس
