هنا

[تّـفـاَصيلـٓ]

يَبــن بالــي

هلبت عطر من ملگاك يتبده بعطش شالي
هلبـت سالفة ذرعـان تعدل حدبـت إخيالـي
يل مرّيـــت گــد إفراگـك إبّالــي .. تدنالــي

طِر زيج إلنخل يا ريح وإتدنـه
إلبعـد چــذّاب
يل گاطع شرايين إلدرب عني
نزفـت إتـراب
وإجيتك عتبه تستجديك دگة بـاب
توّچـــه إعلــى إلدمــــع ونهـــــال
يمن إشما أسولف بيك أگولن هم بعد ينگال

طيفــك سامنــي بفـــزه
وبچيت إشما حِوَة روحي عليك إلدمع ماعِزّه

إلبچـي گنطـرة إلمتانيـن

وانـــا شعنــــدي غيـــــر إلليــــل ومتانــــاك
وأغانـي أستاهدك بيهن
وادوّرهـــن وماألگـــاك

وصوره إطّشـرت بيـدي بكثر ما گلّبت بيها
ألوذن بأمّي عن طاريك وأعرضله بنعاويهـا
إلغيمـه إتفـزز إلنهـران مـن ينجاب طاريها
وحتى إلماتجي بذكراك .. هم أتذكرك بيهـا

[sky angel]

جميلة جدآ
شكرآ لك ..

[تّـفـاَصيلـٓ]

جميلة جدآ
شكرآ لك ..

عزيزتي نورتي

[علي الشمري]

اختيار جميل جدا
وقصيدة راقت لي كثيرا