يامحله البوري بعون اللهالمشاركة الأصلية كتبت بواسطة # فرانكي #
اني راح اسولف لان اليوم واحد يذبها على الثاني ومحد يسولف
هاي فديوم جنه نفتر اني وصديقي بالجامعه فاجتنه مرة وكالت انتوا مرحلة اولى .. طبعا احنة مرحلة ثالثة بس صديقي جان كلش ناعم .. فعود صرنة لوتية وكلنالها اي مرحلة اولى فكالت خوش هذا ابني سجاد هم مرحلة اولى خطيه مايندل اخذوا وياكم للمحاضرات ..المهم احنه اخذنا وكعدنا بصفنة وكام ياخذ محاضرات مال مرحلة الثالثة طبعا سجاد جان كلش مطفي وفاهي يعني سبوع يداوم ويانة وميدري بينه .. المهم بعدين درة بالسالفه وزعل وبعدبن راضينه بس جنه دائما اسوي بي دكات .. ففديوم جنه نمشي وية سجاد وكال شوفون هذيج البنية الكاعدة بالنادي هسه الي يتريك وياها اريكه سبوع كامل على حسابي .. احنه عود صرنا لواته كلناله انت روحلها واذا اتريكت وياها انريكك اسبوع كامل بس اذا ما دبرتها انت اتريكها .. احنه كلنه هذا سجاد فاهي هسه يجفص ونتريك سبوع كامل براسه .. شو هذا راحلها وكبل كعد وياها واتريكوا واحنة ضلينه صافنين .. المهم احنه اسبوع كامل ريوك سجاد علينه .. بعدين ورة ما خلص الاسبوع عرفنة انو هاي البنية كرايبة ويعرفها من قبل .. طلع الاخ اضرب من عدنا بصراحه صدمنا
