عفت عيوني بسمار إعلى بيبانك..
وأنه أتمنيت أموت بشفّتك مصلوب
مثل ما ماتت اللهفة على لسانك..
(نويت احرگ الروح بليل ما بي ريح)
وأطشها ببابك المسدود
بس دلّيني عنوانك..
ينهيال الچفوف التكوي قمصانك!
يهنيال الطيور التِحط بأغصانك..
أدور وطن ما عندة دفو عيونك
أريد بگاعة أطم حروف هجرانك..
يا أول جرح مدفون بالرية!!
يا أول وشم بچفوف بدوية..
يا أول قصيدة
الگلبي كاتبها على بنية!!
قطار عيوني للحسرات
والدمعات عبرية!!
دافن ظلمة بگليبي
بوكت الِگبور گمرية!
مشكلتي أعرفك زين
بس ما أعرف شبية!
تكرهني
وتگل الناس أصفر حيل
بس هذا الصفار أعليك ترچية!!
#ادهم_عادل
رد مع اقتباس
