بعض الابوذيات والدارميات والاشعاار الحب والغرام وعتاب وحزن وكلشي الكااه كداامي هع
مرحباا زملائي
هنا سنتنااول بعض الابوذيات والدرميات والاشعار وشنو الكاه كدامي اشمره الكم
الابوذيات
على الخوه والصداقه
محير معدنك خابط يمعدان
يداني ومعرفت شنهي يمعدان
ورانه الوادم اصيح يمعدان
المهم معدان بس عدنه الخويه
ركد من الدمع روحي لبنه
وتعبت عليك مثل الام لبنه
ابشرك خوتك ماصخ لبنه
بغرورك مصخت حته الخويه
اجانه العيد واحنه احباب عدنه
مضينه ومن جديد انكول عدنه
اليريد ادروس عن الوفا عدنه
نعلمه بلا ثمن وبلا هدية
عفينه ولاعرفنه اسباب .. شطاك
وعطشنه وماشربنه ماي .. شطاك
كلي الوهدناكاتخون .. شطاك ؟؟
وشخذ منك ثمن جرمك عليه؟!
اريداكَطع طريق الشوق عناي
واسولف للوفي من الناس عناي
صديقي اليرد الضيم عناي
ويوم الضيق يصبح درع اليه
كتبلي شما ردت تكتب وارد لك
وازعل وابتعد عنك و ارد لك
بساتين بوسط كلبي وردلك
وشما تبتعد عني تظل غالي عليه
اسمك شعر وبكلبي ارد بي
وخدك مشتل وخضر ورد بي
طريق المدرسة رايح وارد بي
حتى بس اشوفك هاي هية
وحق الناي من يعزف وخنته
ابد ما عاشرت صاحب وخنته
حبيبي وصاحبي وروحي واخي انته
وانتة الرمز للخوة القوية
انت الصديق لو مال الوكت ما مال
يربطني بيك الوفه لامصلحه ولا مال
انساك لحضه من الوكت لاتعتقد اهمال
لكن زماني صعب وبيه انذال
الك مني سلام والف مرحب
شكثر مرت صداقة وشكثر مر حب
وحك الي طبر بالسيف مرحب
تظل انت صديق واخو اليه
ابوذيات حب
قرص نعناع خدك وانت هيله
الحسن بس لجنابك وانت هيله
تراب اللحد بيدك وانت هيله
ويظل اسمك حلو وغالي عليه
اعاندهم لجل حبك والاســــــن
الكبر مايمنع اليعشك ولا السن
اظل اهواك لو ابقه و لا ســـــن
احبك من ثدك غثبن عليـــــــه
مو نصين كاتبلك الف نص
تذوب الروح من تسمع بسمكم
واحب الطير لو غرد بسماكم
هلا بكل مكتوب يوصلني بسمكم
اعزاز وشوفتكم احلى هديه
اهوج خلاف عينك مرهم انه
و اهد بعناد جرحك مرهم انه
حلو كلش و اشرك و مر هم انه
علج بس تجي مروره طعم بيه
داارميات واشعاار
#تعبــــاااااااااااااااان
اي تعباااان وعلــــي
وماشايف الراحـــــــه
مثل اخرس بنص النار
ياهووو اليسمع صياحــــه
لضحكه يم الموته كلش مالحه
بهيجي عزرائيل كون انصالحه
شاب بس من عنده شايب
روحي ترجف واني تايب
ربعي من هسه قرولي الفاتحه
مو كلمن جنه الشارب صبح رجال
ولا كل التحشمه كالك عونك
ولا كل التحط ايدك اعليه مضمون
ولا كل التطعمه ايصون ماعونك
ولا كلمن توده ايواددك بلروح
اهوايه العدهه شحه بكلمة اشلونك
خل جودك اديون بركبة اهل الجود
تره مو كل البشر توفيلك اديونك
يالردت عني تروح روح بسلامه
بس عدنا راح يصير يوم القيامه
والحسن احلف دوم مابعد اجيكم
اوصل لحرف النون وارجع عليكم
بكل حلو لوله تصير بس شحجي عنك
صارت اللوله البيك حتى احلى منك
كالو تريد اتروح واتعذب الروح
امودع الله اوياك بس ابقى لتروح
كالو تريد اتروح واتودع بساع
جا غير اشيل الكاع والزكه بالكاع
اجمل صباح اليوم وبعمري بس هاي
شلت الغطه وفزيت لن عيني بهواي.
شوف شكثر مكروه التجفي دنياهه
حته الصديق يكول عيب امشي وياهه.
تحيااتي الكم
رد مع اقتباس
المشاركة الأصلية كتبت بواسطة NOonAa
