هنا

[أنثى حائرة]

سلام اصدقائي ..
عفية اريد نصائحكم ارائكم ومن هالسوالف ..
صديقتي كانت مسوية علاقة ولمدة6 سنين واني جنت ارزل بيهة بس ولايفيد
المهم اهلها دروا بيهة ..وهذا الزاحف يصير جوارينهم ف شالوا لغير منطقة
ف إحنا عدنة خط نروح بي للمدرسة ..المهم اتبدل الخط
وهسا سايقنة "شاب"
وهذا ياعيني من اول ماشافهة ذاب ..
وبدت الرسائل والغراميات وسوالف العشاق وهدايا ..ومن هالخرابيط
واني بالسيارة كاعدة ع اعصابي والله
اكوللهة لو اهلج دروا المرة الثانية اكيد حيعاقبوج لان مو دائما يسامحوج
المهم ..
اني هذا الشاب ابد ممرتاحتلة ..سخيف كولش وبس يشاقة ويتمضحك ويشغل اغاني
ومرات من المدرسة ميودينا للبيت مباشرة لااا ..يظل يفرفر بالدروب
فآني كولتلهة حأبطل وماابقة وياكم ع هالوضعية والاستخفاف
جان هيا تكَولي لخاطري ابقي لان اذا انتي بطلتي من الخط اهلي حيبطلوني منه ومااكدر اعوفة لل"سايق" حبيبهة
وهسة اني محتارة شسوي

[ضياء الصافي]

هاي مايحتاجله حيره.
أتركي الخط. وهاي صاحبتچ اتركيها..لان صديقة سوء.

[حور ☀️]

اي والله اني ويا اخي ضياء
بعدي عنها احسلج لا توقعج وياها بسالفه وتتورطين

[أغرد بهمس]

هاي البنت مشبوهة جدا
عيفيها قبل لاتورطج بشي
اصلا لاتكلميها ابد

[أنثى ثورية]

عوفيها لهاي البنت مبينه مو راحة
وانت مدامج نصحتيها ها هي سويتي الي عليج
ابتعدي عنها احسنلج

[ضياء الصافي]

ديري بالچ عمو ترى هاي تتحجج بكلشي .فلاتبليچ بشرها. واذا وگع الفاس بالراس..اين المفر إذن

[fairy touch]

اعتقد اللي قبلي نصيحتهم بمكانها ...اياك تترددين ..بأسرع وقت تركي خط الغراميات هذا ...لأن ما ينوبك منه غير خسارة السمعة ..و ابتعدي عن هذي اللي ما تصون اهلها و سمعتهم ..و لا تخاف و لا تستحي .

[QALawy]

هاي البنت مشبوهة جدا
عيفيها قبل لاتورطج بشي
اصلا لاتكلميها ابد

[Noor M. Hassan]

حبيبتي ادعيلها و ابتعدي عنها و ظلي ادعليها و انصحيها و انت بعيدة و ان شاء الله الله يصلح حالها قريبا جدا و الله يوفقك و الجميع دائما باذنه تعالى

[رجل كل العصور]

اتركى صديقتك للابد لان ماوراها الا المشاكل ووجع الراس
وغيرى الخط او روحى مشى للمدرسه