هنا

[فقار الكرخي]

اشوفن ريحتڪ لاتجي عكس الريح
يلمنكب اعرفڪ من كفه انكابڪ
بسڪ تستفزني وتدري كلش زين
اذا صارت صدڪ بجروحي اعض نابڪ
علمني الوكت لو ما لكيت اضماد
اشد جرح بجرح وطلع من لموضوع
بعد ما كو دمع وبجي اعله ياهو الجان
ماقلد الحجر بس والله ماكو دموع
ادورڪ وين ادور بيڪ لو بحشاي
من حر الدروب خدودي كام تموع
دورتڪ دوارت ام لبنها الضاع
اشوف بعينهه الصحراء كلهه فروع
الف موته اموت وما ارد الراح
ولا امشي بدرب ادري اني بي مكطوع
ومو عيب منموتن حته ما طخ راس
العيب منعيش براس ما مرفوع
وعلي من جنت تحجي بين الد اعداي
اغض السمع عنك مااريد اسمع
تره كلش اسمعك لا تروح ابعيد
وعلي صوت الشمس اسمعها من تطلع




م

[سمراء من قوم عيسى]

عاشت الايادي ع النقل

[QALawy]

علمني الوكت لو ما لكيت اضماد
اشد جرح بجرح وطلع من لموضوع
بعد ما كو دمع وبجي اعله ياهو الجان
ماقلد الحجر بس والله ماكو دموع
...
...
مقطع مؤثر
رااائع

[علي الشمري]

حلو
عاشت الايادي

[تّـفـاَصيلـٓ]

روعه كلش
شكرا ع الطرح

[ضياء الصافي]

كلمات في غاية الجمال.
جمالها من جمال روحك ياأخي