درر العراق

علي الشمري · 29/January/2016

شعر شعبي غزل 2016
تفطر عليه صيام
*****************
أصير إعيون إلك يل بالعشڰ متنام
-----------------وذبح للسهر لو بيهّن اتعدّى
وڰدر كل حلم حدر الجفون اڰدار
-------------مقباس إلرمش والكحله اللتحدّه
عله جيدّك افصل حبنه الك تفصال
---------------وبحجم الخصر مقياسه وبڰدّه
يا شمام صيف أوعطر ريّجه إيفوح
------------بالواح الشواطي إتعنّكش اوسدّه
هجم بيت إلّحسن هذا الفاك امنين
------------------يا رسام راسم صورتك عندّه
هلال إلحاجب إوتفطر عليه صيام
---------------والناس التشوّفّّه إتصبح إمعيدّه
هجم بيت الرموش إوياسواجي العين
------------أمضى من إليمانيّ الباشطّ إبحدّه
حمر وجناتك اوخدك ڰطن شفاك
---------------تتلجلجّ عليه الشامه متوسدّه
وشفافك نديه إو اطره من التين
-----------------لو نڰّط رحيقه وعل غصن ندّه
وسنونك وفر تتلاهث إمن إبعيد
--------------چن وفر إلشته إومن غيم يتبدّه
يل شعرك ڰّصيبه وعل ظهر مظفور
---------------حيه إو غافيه و متمدده إبسدّه
يل مشيك غزال إمضمر إو ممشوڰ
------------يل تسكن دليلي إو بي إلك نغدّه
لو شافت بشر صح تجّفل إلغزلان
------------تطفر من بعيد إو تنوي علّ شردّه
بس إنته إلوحيد إلتنسجم ويايّ
---------------واذا عني غبت أعصابي ماتهدّه
========
الشاعر علي السعدون