رثاء حي
*******
يمر عليك العيد واثياب الفرح بالعيد رثه
والوكت ياكل بعمرك نار تاكل نار
وبطون الوكت للناس غرثه
ادري بگليبك چبير وچلمة الباطل تغثه
وادري بمتونك خشب وادريهن احمولك على
المتنين عثه
لچن مو بيدي واشيل هموم گلبك هم شفت
چثه تشيل هموم چثه
يل تناشدني اعله روحي الروح يل تنشد مورثه
ويل تناشدني اعله گلبي
گلبي من طف كربله المذبوح ورثه
ويل تناشدني اعله عمري فص ملح بچفوف
بحر الضيم كل ساعه ويفرثه
شفت بستان الورد والعطش متحضر يحرثه
شحت اعليه بشهر نيسان نثه
يل بعيد مصابك ماثر بروحي وهوه كل ساعه
يشد قلمي ويحثه
وگلت ارثيك بقصيده ومارثيتك
من شفت حتى القصيده تريد مرثه
الشاعر المبدع
حيدر حسين المياحي
رد مع اقتباس
المشاركة الأصلية كتبت بواسطة مهند الكربلائي
