هنا

[صباح السراي]

حبيتك اثاري جذابة المسافات
وجذاب الماخذك يردك ردود
جذاب وغرورك صعدك فوك
ما كلولك بالكلب ابد بعد متعود
بقيت اسئل عليك الراح والجاي
حفرت كلبي متعلمة شما تنكص تزود
قشمروك اهل الفتن والقيل والقال
وكسرت كلشي بحياتي الجان موجود
وراح انسى دكاتك وكلشي الفات
ومقبولة منك افعالك ومنشوراتك السود
تعلمنة الصبر وحب هاي الناس
ما خلينة الحقد يرجع ولا نحبه ايعود
منجلي تكسر وصلة وصلة
والميخاف الله ايسميني حاصود
جذاب الوكت والصحبة للزين
وكل هاي العبارات لشخص واحد ومقصود
لا تظن ازعل لو انقهر من كتاباتك المليانة سواد
حرف مني اهزك واشعل فوك كبرك الف عود
لا اني شاعر ولا كاتب ايحب يشتهر بطراك
هاي المعاني تنكتب للعتب والكلبة حاقود





بقلم اخي وصديقي الغالي شاكر العقابي

[^-^بطيخة^-^]

حلوه :( ،،
شكرا

[نصرالدين البلداوي]

شكرا كلمات جميلة
تحياتي لك