وأضحك والبس من جروحي ترجية..
(وآنة ادري الضحك مو زين !)
(وأدري الدمع كلش زين)
وادري دموع ما بية..
من أكل لگلبي ليش تخونّي لخاطر دفو بنية؟
يضم روحي ورة ضلوعي
ويگلي
شبيك
شعّلية!!
وهو اليعشگ عيونچ
بعد يا رازقي يحمّلة!؟
بعد يا عمر يگدر عكبچ يكملّة؟!
هو الگلب مثل الجاهل المحروم
وعيونچ مثل واحد يشيل بجفّة لعّابة
ومِن الشباچ يندهّلة..
وأنة شبيدي
يبت كل الخضار وشوغة السنبل..
يطعم الوحشة
من باليل
وحدك والمطر ينزل..
يأول گمر ضاج من الضوة
وسرّگ روازينة!
ولگيتة أعلى السما معزّل.
عساها بخت كلمن قشمر گليبي
ولا گلي العشگ يگتل!..
:::::::::::::::::::::::::::::::::::::::
للشاعر ادهم عادل
رد مع اقتباس
