ثقيت بشخص وعتبرته روحي وطيحني باكبر مصيبه من الاولى
السلام عليكم
مشكلتي انه جنت داخل بمتاهه بحياتي كلش جبيره ومتاذي منهه وماعرف الهه حل الى ان اجه يوم من الايام عرفت بمشكلتي بنيه حبابه ونصحتني وضلت وياي لحد ماطلعتني من المشكله وخلتني تعلقت بيهه وصارت بينه علاقة حب وحبيتهه من كل گلبي وخططت لعواي امور وفجأة كالت انتهه كلشي بينه وماكدر وماريد اتعلق باحد واذتني وحاولت انسه وكوه ضليت متحمل فتره لان اختفت من حياتي وبالصدفه ماحسيت الا هيه ردت ومخطوبه ومخصوبه ع الخطبه حسب ماكالت وانا من كد حبي الهه رجعت وضلينه كاصدقاء لمن فصخت خطوبتهه ووعدتني مراح تتركني ابد وخلتني اتعلق بيهه اكثر من قبل وحبيتهه بشكل ماينوصف وضليت احاول كل جهدي حته ارتب وضعي وخطبهه وتعلقنه ابعض بشكل موطبيعي وايضا للاسف فجأة كالت صارت عندي مشاكل وماكمت اتكلم وياها الاقليل وبس اريد اعرف اخبارهه وكوه اعرف اخبارهه وضلت تتشرد مني ماعرف شنو السبب ونطيتهه ماي عيني الى ان نكطعت كل اخبارهه وحاولت اوصل الهه بكل طريقة ماكدرت غيرت رقمهه وحذفت حسابهه بالمنتدى وكلشي گطعت وخلتني حاير وماعرف شسوي فكري مويمي حاولت اسيطر ع نفسي كلش هواي ماكدرت ضليت بصدمه وضليت ادور اي شي ينسيني ويخليني ارتاح وللاسف صرت محطه يعبر عليهه كلمن يريد يرتاح وانا الي اتاذه وصرت لعبه بيد هواي ناس واستغلوني بسبهه وصرت اتمنى الموت لان تخيلتهه طلعتني من مشكله مادريت راح تطيحني باكبر مصيبه ماكدر اسوي شي بحياتي من وراهه مليت وانا احاول انسه ماكدرت وماعرف اشكرهه لان خلصتني من مشكلتي لوادعي عليهه لان طيحتني بمصيبه اكبر واقسى وخلتني شخص تافه انا اتمنى تقره الموضوع لان متاكد داخله بغير حساب بالمنتدى وياريت تعرف شسوت بيه وتحس وتنطيني سبب تقنعني ليش سوت هيج قصرت وياهه بشي كل هذا لان حبيتهه من كل گلبي وماخنتهه وصنتهه بكلشي والله وسامحتهه ع هواي اشياء بس ماكو غير الله المعين وادعي ليل نهار الله ينسيني ويطلعني من الي انا بي لان تعبت من الاستغلال وطيبتي الي كلش اذتني ودمرتني وللاسف انا حاليا جسد بلاروح وشخص تافه الى اعلى درجه وحاليا بيد اشخاص يجيبوني منا ويرجعوني منا وماعرف شلون اتخلص منهم بسبب الي صار ومايحس بالي بيه الا الي مجرب هالشعور للاسف لم تكن كلمات عابره بل هو جرح بالقلب عميق. .واعتذر ع الاطاله
رد مع اقتباس
المشاركة الأصلية كتبت بواسطة اميرة باخلاقي1
