على كثر الخطا ماجيت اعاتب حضرتك لا ضقت
ولا ودي اضايق حضرتك وتضيق بسبابي
تحملت الغياب اللي جرح قلبي ولجلك طقت
أشيل الحمل فوق المتن لجلك واشعب اركابي
علشان المحبه والغلا والشوق مادنقت
أجامل من يجاملني ولا خونت بحبابي
تجيني مندفع وتقول ياقلبي عليك أشتقت
ولا تدري من الاشواق وش دونت بكتابي
كتبتك أول الأحباب من يومك علي اشرقت
فتحت أبواب قلبي وانت بيدك تقفل ابوابي
رغم قل الوصال وكثر ماتطري علي وسقت
فناجيل الغياب اللي تسليني مع اغيابي
عساك أتحس في شخصً عليه من البطا طوقت
هموماً تزعج الخفاق وأفكاري تعنابي
أحبك حب من قلبي واثر حبك مجرد وقت
تسلابي وأنا ماكنت أحسبنك تسلابي
تقول انا اعشقك واموت في حبك وانا صدقت
اجيلك من دفع وانته تعمد تحرق اعصابي
غلاك بداخلي موجود لو غربت او شرقت
تبي تلقاه مهما غبت حاضر يسبق عتابي
بعد ماغبت كم غيرك يحاول بي ولا حققت
اله نقطة وصل مادمت وحدك نايل اعجابي
رد مع اقتباس
