(كاظم)
علامةٌ فارقة في الشجن العراقي الأصيل..أفنى عُمُرهِ في حب العمل وخدمة العلم ..إلتحق مؤخراً بركْبْ الحشْد الشعبي المقدّس.وعند عودتهِ إعترضهُ أحد الشعراء مستفزّاً.!!!!!!!!!!!!!!!!..ودار الحوار...
.................................................. ...............................................
(الشاعر) :
هاااااا
ها(بوجواد).......شمْضيّع رحت لهناك
إبّالك سالفهْ ........وتْريد اجذّبْهه !!!!!!
نها اعليهه بن عمهه ومات بيهه الشوك
تذكّرتْ الصبهْ ...........وردّيتْ تنهبهه
عدّك ماي بارد !!!كسر خشم الصيفْ!!!
ثلّاجاتهمْ ....!!! المنْ امْعجّبْهه !!!!!!!!!!
(ابو جواد)
بسّك ..!! لاتعثرك حوبة الشيبات
اثكلْ !!!!!والسّوالف وزن رتّبهه
لاثوبيْ النّهيبهْ وْلادْريْ بْفرْهود
اْلْعمّكْ هالسّوالف عيبْ تنسبهه
موبس آنه رايح كل اخوتكْ غاد
وين الماتعز روحهْ بْطلايبهه
المْطلّك الدنْيهْ وهيّ بت اشيوخ
اململم دين حاضرها وْيهْ غايبهه
تعنينهْ لختْنهْ وبت اختنه اهناك
خاف الباطل مْن ابْعيد يجْهبْهه
جانت نايمهْ وْحسّت بْظلْ ابليس
فزّت والزّلم رفّت شواربهه !!!
(الشاعر)
ألْتمْسكْ يعمّي !!!!! العذر لله وْليك
وْجنّك عاذرهْ الماعرف يحسبهه
لمدْحنّك عِدوْ يمدح خصم بالضيج
مامدْحك عروس بنص كرايبهه
ياعلّه وعدوّك حاير ابطبهه
وْيانشْوة قصيده اليوم كاتبهه
بْثلتّرباع عمْرك يشهد البارود
وْمسحاتك اتْسولف وي مشاربهه
عمركْ..لوبوذيّهْ !!!ومشْتهيْ الربّاط
وْيوجر بالجناس المحّد ايشبْهه
جنت فلّاح صاين هيبة الفلّاح
هسّه الفلحْ خدرانهْ بْرواتبهه !!!
كل شهكة نفس بي تزعل المسحاهْ
شريجتهه الجكارهْ اتْريدك اتْذبْهه
خفت من تستراح يْصوفر المحصول
تخدر...........والسنابل ينّفضْ حبْهه
اتْخيّل صورتك من جنت ب(الجولان)
بْماي الهور .....بيريتك امْنسّبهه
وامْسْ طبّيت غابه من الدجل والزّوُر
يل قاري المكر بعيون ثعلبْهه
الكالوهه وتعوّذ منهم الشيطان
احنهْ اسْدورهه وانتم ذنايبْهه !!!!
كمتْ تتكهوهْ بيهم والكهوجي الموت
مُرّهْ الكهْوه بس !!!! للمامْجرّبهه !!!!!
شايب ترعشْ وْمايهتز الفنجان !!!!
بيدكْ ..والكهوجي يْريدك اتنبهه
أنه امْقصّر ابْحكك جي بْروحي اطْيور
واصوات البلابل موش بالجبْهه
أنهْ شاعر ترفْ ماعرفْ للدم لونْ
ماناسيك بس (التفْكهْ) ماحبْهه
اتْغزّل بيك دمعة حرّهْ من تغْتاضْ
كحلة..طايحهْ اعْلهْ اجتاف صاحبهه
اتْغزّل بيك جوريّهْ بْظهاري الصيف
تتمنهْ الصبح بالنْدهْ يْعزّبهه
وْتمر بيهه الفراشهْ الجايّه مْن بْعيدْ
يْسلّمْهه الندهْ وتسْتلم واجبهه
اتْغزّل بيك طفله تْريد هذا وذاك
وْاظل محتار بيهه الكمر عاجبهه
اتْغزّل جن طفل بالمدرسهْ اول يوم
وآخر يوم يضحك بيدهْ جايبهه
اتْغزّل بيك (فدْعهْ) وْتنعهْ اخوهه (حْسين)
اخوها (حْسين) !!!!!!!! ذاك المحّد ايْشبْهه
اتْغزّل بيك شايب عمرهْ ستّالاف
الله ...........يالمْلوحهْ مْنين جايبهه
يضْحكْ مدري يبْجي والجكاره تْلوح
بيدهْ وْتحْرك ايدهْ وْيستحي ايذبهه
الله يْديمك النه يابختْ هالدار
وحْشهْ الدار من يْروح شايبهه
وحشه الدار من يْروح شايببْهه
...
للشمس حسين صالح
؟..
رد مع اقتباس
المشاركة الأصلية كتبت بواسطة اوراق شاعر
