شعر يفوتكم ادخل واقرا
الفزز العاجر وان سهوا حرام؟؟جائز بنص الحلم ترضع طفل!!!
الفزز المسجون يدفع ديه باب؟؟
وشرط مال شيوخ ما ضايگ قفل:-)
السره ذبه ابير ميحب الخضار؟؟
البير ريج الگاع للعنده عقل...
اليسحك بجدمه الزرع مو ذنبه هاذ؟؟
حگه ما ضايگ تعب حرث الحقل...
الميت من يطيح ماحسبه ثگيل؟؟؟
شما قلت الجنازه يزداد الثگل...
السهم صح ميشوف بس قصده حلال...
قصده يطعم ناس مايقصد قتل!!!
الدله والفنجان مو كشخة مضيف!!!
الكشخه بالمعووج لمن ينعدل...
العاشگ من ينام احسنه جديد؟؟
بعده ما ملچوم للعشره ويمل...
الگضه كل عمره سهر ما كله ذيب؟؟؟
هذا لو بواك لو فاگدله خل...
العميه من تعشگ عكس كل البنات؟؟؟
هاي تعشگ روح ما تعشگ شكل!!!
الخرسه التحب الرسم انسانه هاي؟؟؟
ترسم بوسط الصمت گول وفعل...
الفقره لو رادت سمچ تحلم تصيد؟؟؟
الجابو ال شصهم خبز يگضونه اكل...
الحشمه مو حشمة لبس حشمة ضمير؟؟؟
الگمره لو رادت ستر يستره ضل...
الضحكت بسوك الستر خسرت عفاف؟؟؟
هاي لو تلبس كهف ماتنعدل...
رد مع اقتباس
