استنساخ نادر
سويت استنساخ لشخصي ...بطلعان الروح استنسخته
وكعدت المستنسخ يمي...ونطيته اهدومي ولبسته
وهم مثلي ايجوع ويتالم....ومن نسكت نسكت فد سكته
بس فارق واحد حسيته ....ما عنده فلوس وقرضته
غافلني ومد ايده ابجيبي....طلعت ايدي ابجيبه وبكته
تعبني اهواي ابهل الحاله....مليته وحيل اني اكرهته
فكرت اشلون اخلص منه....وديته ابهيمه وتيهته
رديت وشكيت ابروحي ....بين الاصل وبين العفته
ايجوز المستنسخ هسه اني ....والاصل الظل وتيهته
يعني اني القشمرت باني....واني ابذاك اني القشمرته

العم الغالي الشاعر
سعدي العقابي