درر العراق

نصرالدين البلداوي · 19/January/2016

للعراق الحبيب
حبيتك رغم المصائب هواي
حبيتك رغم المفخخات البيك
انت خليت العزم بينه رجال
يعني شلون بحبي ماراضيك
يخسه الكلب اذا ماحباك
مستحيل بالجزم اكدر اناسيك
انت العلمتنه معنى الصبر هواي
مجنون بهواك وواكع بيك
الوالد من الصغر علمنه الفروسة بهاي
اليعادي شعبك يعني يعاديك
كالنه تحزموا يوم التلاقي هناك
ساحات المعركة بدمنه نفديك
لو قطعوا لساني أشر بالايدين
واحجيلهم كأخرس الهايم بيك
اكتب ياتاريخ بالعراق ارجال
اسماء بذهب تخطها نوصيك
تكول الاسطر قليلة هواي
اكيده لرجال الله ماتكفيك
جدل خل نفترض لكيت اسطر لهاي
القلم تتمزق لا ما يوافيك
بالنهاية بقلم احمر اكتب الان
مستحيل بالجزم اكدر اناسيك

البلداوي