نظيفة اعرفها من ذيل العبايه
شكو زاغور عايف بيه نيشان..
أبد ما خاف من لدغ الحيايه.
شكثر بالصحره ضاعو وآني رديت..
وصلت وكلهة ظلت بس ورايه..
كشختي ومشيتي ونگﻻة الجدام..
نسق والمشيه چن مشية سرايه..
إبن بستان رابي ويه العصافير..
الفراش ويايه من اطلع حمايه..
بس للغربي أمدن ريتي خطار..
عذب وبروده اجيسنهة بهوايه..
من مگفاهة بنت البيت إذا خوش..
نظيفه أعرفهة من ذيل إلعبايه..
ابرگعهن برمش عيوني إذا ليل..
شريفه دموعي ماهدهن عرايه..
سيف إلساني شايل هيبة إذراع..
حلگي وما مطگته إعله النثايه..
اماشي العنده موقف ثابت وياي..
افرزن زين واعرف بالنوايه..
بوكت ماچان حملي يهد المتون..
مشيت وراسي چان يطخ سمايه..
الوكت غير علي وادم چثيرين..
ولكن ثابت آني بمستوايه..
إذا تخاف الله لتسولفلي قرأن..
ما يمشن علي طول اللحايه..
المعلم من نبرته تهابه طﻻب..
لذلك مو شرط يلزم عصايه..
افوت ابفالي مافرلك دواليب..
أگش الزبدة واحچي من النهايه..
بالمليانه صوتي يهز حياطين..
بعد بالفارغه يخوف صدايه..
م
رد مع اقتباس
حلووو عاشت ألأيادي
