هنا

[ألق الشاعر]

شهگة وطن….. قلمي


فرحان بس يا فرح… .ضحكه بخلگ مخنوگ
مايرهمنه الفرح… . بس الدموع تلوگ
خلاني وكتي علچ… .مابين كومه حلوگ
بالآه اخيط فتگ… ساعه وتجيني فتوگ
من أمنينه البلد..… صبّح بلدنه بسوگ
مبيوع يوم نولد.....ومحملينه بنوگ
من الليل اتاني الضوه… الگه الصبح مبيوگ
شفت النبي من انصلب . جسم بوتد مدگوگ
وشفت النهر من عطش ..والطين شامخ فوگ
بالديره شفنه النخل … يزهي بثگل لعثوگ
لكن بوكت التمر… . منعو علينه الضوگ
كلشي بحياتي شفت ...بس ما شفت لحگوگ
ألمن نسولف بعد… .عمي الوطن مسحوگ

[ضياء الصافي]

تسلم
ولكن الوطن يبقى لن ينسحق شامخاً ان شاء الله