عمت عين الزمن ما أنصف اوياي
عمت عين الزمن ما أنصف اوياي
لو أدري أبد ما فاركتكم
**
أشتريت ألحزن بس يشهد ألكرار
بعت الدنيا كلها أو ما بعتكم
**
يا ما ذكريات أنكضت ويا ك
ويا ماصور با لحيطان ألكم
**
يعمي أشلون بيه أهواي مشتاك
اتمنى أبلحدكم انه غافي
**
تعبان أو رجيج أو نومي شلون
أنه لو أم أنومك با لعوافي
**
يا جمرة حسرتي وطفرة ألروح
على جمر ألقهر أمشي أنه حافي
**
أيا ما كعدنا أو كمنا وياك
يبو كلب ألجبير ولبن صا في
**
ها عمي أشفت كلي أشجره أوياك
رهبة موت كلي ابحالك شلون
**
بعمي ألحزن يثلم ثلم سجين
ويحتاج الينوح الدمعته عيون
**
تعال أو شوف بيتك والحياطين
على كل أثر منك هم يونون
**
أخوتك لو خواتك من يشوفون
ربعك با لمضايف من يضحكون
**
يهل البيت مزنه أو يشتعل نار
أو كبل لايبجي عمك همه يبجون
**
أنه بيه ألنوايب شجن أرماح
أنحنى ظهري يعمي أبدونك أنته
**
صا حبتك جرح من عمري ظنيت
توفيني ألتعب ذاك ألتعبته
**
ما ضنتي أنتفارك وحدي ضليت
ولا كلبي يهود من حسرته
**
شسولفلك يعمي أشسوه ألفراك
بغيابك أتغار الهم حملته
**
شفت ألموت عمي وحالك شلون
الشريف اشما تعب ما يلكه راحه
**
هلك عمي أو مرارالحزن مربيك
تلكه أوجوه مليانه سما حه
**
أنه الردتك يعمي ألساعه ألعوز
لجن طبع الوكت بس الكبا حه
**
بعد عمي حجرتك شايله أهموم
أو بعد كل ذكريا تك طيف بيها
**
من نشتاك الك تا خذنا الهموم
نجي او بجروحنا انسولف عليها
**
يعمي الموت اخذكم وانه ضليت
ابحسرتي الزمن دك دكات وياي
**
الف موته اموت او كلت ارتاح
يا عمي اشكبرها اهموم دنياي
**
أذكر مشيتك والطيب الوياك
يهزني الشوك جنك من صدك جاي
**
افز مرعوب واتعثر با لأشوا ك
احس با لنار تلجمني ابثنا ياي
**
ما ضن الكه مثلك بعد هيهات
انه ابشيمة العدك ارهب اعداي
**
ألف وسفه طواك الموت يا حيد
والف وسفه ايتخطى الفاسد الراي
**
أمس عنكم يعمي ** راحلينه
ولاشفنا بعدكم ** راحلينه
اهواي اعزاز مثلك ** راحلينه
أمن صدورألمجر ألكم تحيه
=====================
منقووول
=====================
رد مع اقتباس
المشاركة الأصلية كتبت بواسطة ابو طالب التميمي
مرورك ألأروع حبيبي الورد