خلي قيمه لروحج ،
الخفه حرام!!
الحرمه اذا خفت منو اليدنالهه ؟؟
حال اي مهره تظل ( مسروجه دوم )
يصير اي واحد ركب خيالهه !
حبي . عيشي .. تونسي ( بس كون بحدود )
لا توگعين العگل والشالهه !!!
الضاحكه بنص الزلم ؟
خلفت حرام **
كلمة العاهر تظل بذيالهه !!
محله دنيا وبيهه بت رب العفاف !
يدخل الجنه ابوها بجالهه "))
ضحكي_ضحكي
ابروح ابوج
خلي اشوف الرصعه
تكتل عاشت ايد
الخلفوج
ليش!
من لميت ياسك..!!
فوك صينية_عرسهم.... طشرتني!
لا تخلي اعله الجرح ملحك يطيح
غزر بجرحي ونشف بيه الملح
ومن تجيني بواهس اذبحلك مضيف
يا معزتك عندي ماجنك جرح
انه حي الله وهله بملكاي اجيك
رغم انت منين ماجيلك رمح
ومعزتك يل حنين وطردتي من البيت
وحك حوبة غراضي الشالها الشارع
وحك اخر مخدة انشمرت من البيت
يبو عكال الهدل والوادم تباوع
ماكتلي الوطن يخلص بصف الباب
مشيت وجلب بدشداشتي البسمار
طردتوني وعلي ماصدكت كبران
ردت اكعد واشمر على البيت حجار
واذب روحي اعله چاييك هيل
واگولن بلكي تشربني
قسمتي الـغبره رادت هيچ
احب انسان ميحبني
بهوه ربك اغص اليوم وشحاط
يحاوطني القهر وضيم وشحاط
على زادي سئلتني شبيه وشحاط
وفه العباس وانته تخون بيه
فرهدني بسواليفك
أنه موشّل كحل واهداب من صار البجي بكيفك
أنه مسنّح نهر مسلول مايمشن مشاحيفك
لاكيني
ندى علَه الباب
فك شباجك من بعيد ازف روحي هوه وعطاب
اغازل واهس اضنونك
سطر ذكرياتي وياك ..رفرف
واحس قلبي بسعير الشوك..رف رف
تكص جنحي وتكولي ارجوك.. رف رف
شرفرف والجنح بيدك ضحية!
والله مشتاگين لاقرب ناسنه
ذوله اليعيشون وسط احساسنه
ذوله اليجرحونه حيل
الشفنه من حبهم الويل
شو بعدهم كاعدين ابراسنه
..
