المشاركة الأصلية كتبت بواسطة فقار الكرخي
يـامجرى الشمـس گـلي
ضـواك اشـگد…!!
اخـذ من روحـي گـطرة ضيـم
تطـفي إشـما ضـواك إمـتد
يـلن هـذا العـمر ويـاك
غيـمه إبريح..!!
واجروف السمـه ابلا حـد
تمـر بالروح… جـزر واتـروح
أمـوتن وانت تطـفح مــد……!!!!
وسط كلبي كتبتك حتى ما أنساك
ونقشت حروف اسمك جوه بعظامي
وصرت بس انت اشوفك يعني انت وياي
موجود ابيقظتي وحتى بحلامي
عليك أعلن حرب لو مره عني اتغيب
ومجرد بس اشوفك أعلن إسلامي
وروحي اتصير شمعة وسكته بيه اتذوب
أذا فديوم اجيت أوصرت كدامي
الك يحل الشعر لو بسمك اكتب بيت
تكتب غزل لجلك كامت اقلامي
شكثر سولفت للشمعات
بلكي تجيب طاريهم…
شكثر وصّيت
حتى المالهم خبرة وعرف بيهم...
شكثر فوگ النهر خلّيت
چم دمعة ورسايل شوگ
واتعذّرني ساعي الماي
مايندل شواطيهم…..
شكثر ..وشكثر
لمّن راحن ويه الروج
دمعاتي ورسايلهم واساميهم…
مسكين حال الشمع ..
ما شاف غير الدمع ..
يكتل الظلمه بضوة ..
وتكتلة نسمة هوة ..
ينشاف من يحترگ ..
بس ونه ما ينسمع
اموت عليچ ياترفه
ويم عيون گحليات
بس الحلقه اجت بالبال
مـن مريتـي بالصدفه
هيج الله والـي تصيرين
ويصيحولنه معرسين
يافراشه مو بالگاع
نسوي اعله الورد زفه
يا نسمه هوى شمدريني راح اهواك
كلت مثل الهوى وماأدري شميتك
من ذاك الوكت ماغبت عن البال
الكَلب بسمك تسجل وانحسب بيتك
فصلت البشر سويتهم تمثال
وانت الروح بالتمثال خليتك
حجر كل الناس بس كامو يحنون
قطره انطيتهم من بحر حنيتك
بس كلي احبك كافي عاد ارجوك
حتى لو بالجذب بس كول حبيتك
ترد عافيتي
عشر أضعاف
لو يمي الوكت جابك
منو يشبهنه بدلعنه
منو خلكه بكد خلكنه
لو ثكلنه....!
اخ يا طاري ثكلنه
هاي ما مطروقه هاي
احنه بس نضرتنه رآي
ثكال من ربك خلقنه
من مثلنه...؟
عالقبله گبل تسألنه الضـيوف
وهسه گام الضيف يسأل عالرمز
وگبل من تنخاه يدعيلك دعــاء
وهسه اذا تنخاه يسويلك نكزز
