عثر خلكي وتبدت وسعة البال
وتخيلت القوافي الماله عنان
حجوا عني بكثر ماجان فرعون
يذبح من بني اسرائيل رضعان
احط اذني علصدر السيف والكاه
من كد ماحجه بطرواك فحطان
ابكثر ماللمناجل عدهم اسنون
ومثل سجينة الغمان عميان
عبرت السوالف كونهن صوت
وعذت بالله منهن كونهن جان
لهسه ابباب جرحي الماي والطين
ولهسه جفوفي عد فلان وفلان
انجفت بيبانهم يم طاسة الماي
وفزعتلي السمه المن غير بيبان
اغيم والجفون يمطرن اموات
وامسحهن واشوف اتراب واجفان
عبرت والشراع يدغدغ الغيم
انه الماعبرته اشلون ماجان
ماخليت حملي بعازة امتون
السمه تنذل لون تحتاج عمدان
المشاركة الأصلية كتبت بواسطة فقار الكرخي
