دروس للمبتدئين , تعلم كيفية كتابة الشعر الشعبي , الدرس الثاني الابوذية
دروس للمبتدئين , تعلم كيفية كتابة الشعر الشعبي , الدرس الثاني الابوذية
احبتي درسنا للاسبوع الثاني هو وزن الابوذيه
وكان الدرس الاول هو وزن الدارمي هنــــــــــــــــا
تعتبر الابوذيه احد اوزان الشعر الشعبي المشتقه من بحر الهزج
وكذلك تعتبر من اكثر اوزان الشعر الشعبي انتشاراً ويرجع تاريخ هذا الفن الى مئات السنين .
لا اطيل الشرح عليكم لكثرة المداخلات واختلاف الشعراء ببداية نشأتها والى اي منطقة تنحدر وبداية تسميتها
تفعيلة الابوذية هي :-
مفاعيلن / مفاعيلن / فعولن
تنظم الابوذية بأربعة اشطر ينتهي كل شطر بكلمة تتشابه باللفظ وتختلف بالمعنى وتسمى (الجناس)
أما الشطر الرابع فينتهي بكلمة تنتهي بحرفي (الياء مشدده) و (هاء مهمله) ويسمى القفل او الربط
انواع الابوذية :-
تنظم الابوذية بعدة تراكيب فنية والشائع منها هي :-
1- المطلقة
2- التضمين
3- الزنجيل (المطولة)
4- المشطر (حديث النشأة)
5- المشبج
وغيرها ........
أ- مثال الابوذية المطلقة لي :-
يناطر هالگلب چيتك ويتني
واخبرك نار هجرانك ويتني
ترا الشمات كل ساعه ويتني
وينشدوني واگول ايعود اليه
ب- الابوذية التضمين :-
لَيت الذي بيني وبينك عامرُ .... وبيني وبين العالمين خرابٌ
الليالي بخنجر افراكك عسني
وابد مامرت الضحكه عسني
خراب اويه الخلك كلهه عسني
عَمار اوياك كون ابهالدنية
منقول
ج- الزنجيل
وهي مجموعة ابوذيات اكثر من خمسة ترتبط بعضها ببعض بدون قفل (ثلاث ابيات فقط ) وينتهي البيت الاخير للزنجيل بالقفل .
د- المشطر :
ابوذية حديثة النشأة ولم يتجاوز عمرها حسب اعتقادي الـ 25 سنه .
تبدأ بالشطرين الاول للابوذية تم يدخل فيها نص مقاصير وبعدها الشطر الثالث والقفل للابوذية
مثال بقلمي :
هويتك من طرف واحد ولك حس
والك صوتك عذب كلش ولك حس
ابهواك انطيح
ورقه ابريح
تعال اوياي ... شجره اوماي
طر ممشاي
اظل اهواك ....
عهدي اوياك
ما انساك
اشما طول زمن فرگاك
دحط ايدك على گلبي ولك حس
تشوف اسمك نبض اصبح اليه
علي الشمري
هـ- المشبج (هنا الدوخه وراح اشرحهه بالعامية )
المشبج نوع من انواع الابوذية يكون متشابه بالابيات ويختلف بالمعنى
يعني شلون راح انطيكم مثال وادري راح ادوخون بي
خلي شويه ادوخكم
آنه العشت بالدنيا بلامال
آنه العشت بالدنيا بلامال
آنه العشت بالدنيا بلامال
آنه العشت بالدنيه القويه
شفتو شلون الفرق عن الانواع السابقه ؟؟؟
هسه نجي نفسر الابيات
الاول :- آنه العشت بالدنيا بلامال (يقصد بي صديقته اسمهه أمل)
الثاني :- آنه العشت بالدنيا بلامال ( يقصد بي بالامل )
الثالث :- آنه العشت بالدنيا بلامال (يقصد بي بدون مال / فلوس )
الرابع :- القفل عادي مثل اي ابوذيه
انتظرونا في الاسبوع القادم
ودرس جديد
محبتنا لكم ايها الدرر
ضياء الصافيو علي الشمري
رد مع اقتباس
المشاركة الأصلية كتبت بواسطة فقار الكرخي
