هنا

[فقار الكرخي]

مالح وجهي ماخذ طينته من الگاع..
اسمر والشمس لعبت فلك بيه..
الفشگ والجعبه ظلن عمر مشيوﻻت..
لهسة وفوگ گصتي آثار بيريه..
شريفه البندقيه بچفي ردت جيش..
شكثر مابيهة حوبه تگول علويه..
بكل نگله جدم عالگاع أطلع اتراب..
مو مشية جدم ﻻچنهة سمتيه..
العمر بيد الله إذا ظليت للسبعين..
يحرم بيدي إذا خليت عوچيه..
بيضه اخﻻقي چفية بمهر عرسان..
إذا طبيت ظلمة اگلبهة گمريه..
لليگصدني عازة ابشر واگله تهون..
گبل ﻻيحچي بيهة الشغله مگضيه..
الي عزت نفس ما أجزي حد الغير..
البيت الموعرف مااگعد ابفيه..
اعرف بالنخل بس الزم السعفات..
واعرف ياهي زهدي وياهي برحيه..
عله گد طولي امد اغطاية ما احتاج..
مو صعبات حيل احﻻمي ورديه..
ابسط امنياتي اگعد ابلمة بيت..
واكل خبز امي وچاي عصريه..
عله مو كل شفايف نثيه ادني الروح..
شرط كون الشفايف مال خمريه..
وﻻ كل عين اسلهم بيهة إذا غطيت..
إلة بحاله وحده عيون بدويه..
شكثر ماعندي واهس بالزلف مرات..
احس ابروحي كلي انگلب ترچيه..
اطرب الداخل واحس ابن الجنوب..
وادبچ دبچ مال اعراس غربيه..
وگعت ابعالم يغشون بس مليت..
وين الله واعاشر ناس صدگيه..




منقول

[علي الشمري]

عاشت الايادي
اختيار جميل يافقار