قلمي…… ترافة روح
يصير نبقى بلا ولف لو صعبه هاي
والترافه البينه تتعدى الوصف
الماعرفني يشوف بالضاهر حديد
لچن جوه أنسان بالباطن ترف
وآنه گدامي بشر بي حس ملاك
شما يلمني الزود گدامه أرتجف
من اغمض عيوني ألگا بالجفون
ولو كتبت ابيات اشوفه بكل حرف
شده للعمره ورق وحروفه ماي
بأول سطور العشگ ينزل نزف
ضلمه والهاجس يمر ينطيني ليل
وبيه كومه جروح أزغرهن كلف
شلون يالماخذني الك خليني اعيش
جاي ارد الحبك بواهس صلف
وجاي الم سنين ناثرهن هواك
زادن بحملك حمل فوگ الچتف
واحذف جروح العفتهن من مشيت
لچن بيها جروح ماتقبل حذف
رد مع اقتباس
المشاركة الأصلية كتبت بواسطة ضياء الصافي
