دارميات من عيني طاحو!!حسين الساعدي
دارميات حسين الساعدي
،،
من عيني طاحوا ناس جانوا عزيزين
عالشحمه ويركضون مثل البزازين!
،،،،
خله اليطيح ايطيح وبلا ندامه
مايرجع الهل عين لو للقيامه!
،،،،
واليوكع امن العين لا ما نشيله
يا طعنة الوياك كلش ثجيله؟
،،،،،
جانو ابنص العين واشكد احبهم
عافوني للشمات وانه ابدربهم!
،،،،
والطاحو ان العين حاسبهم اضلوع
ياللاسف طشار خلوها الدموع
،،،،،
والطاحو امن العين ترفضهم العين
وسط الضهر يفلان حطو سجاجين
،،،،
والطاحو امن العين جانو اليه
صاحوهم الشمات ركضو سويه!
،،،،
والطاحو امن العين طلعو دواعش
وبطعنت البذات بالكوه عايش!!!
،،،،
والطاحو امن العين همه الولوني
حسبالي رفعة راس شو فشلوني؟
،،،،
واليوكع امن العين دوسه وتعداه
مايستحق ملكاك لا تمشي وياه
،،،،
من عيني طاحو ناس جانو يمثلون
خَلص فلهم ليش بَجولي العيون؟
حسين الساعدي
رد مع اقتباس
المشاركة الأصلية كتبت بواسطة *طيف ألامل *
