شلونكم درر شخباركم
اليوم عدنا حل مشكلة ذاكرة الهاتف الممتلئ
أكثر أجهزة الاندرويد البيه هاي المشكلة تكون ذاكرته الداخلية بين 8 الى 16 GB جزء من
هاي الذاكرة يكون لملفات النظام والتطبيقات الي تجي ويا
وبعد مدة
من تحميل الصور والفيديوهات او التطبيقات
راح يصير بطئ بالجهاز و ما ينصب
تطبيقات جديدة لعدم توفر مساحة كافية
وهذا راح يخلي الجهاز ما يشتغل عدل
الحل كلش سهل
--------------------------------------------
اولاً
اكو الــ SD Card
ويسميه الاكثرية الرام غلط
ننقل كل الملفات الي نريده الة
حتى نخفف عن الجهاز
وأحجامه من GB 2الى 128 GB
الموجود بالسوك
8GB
بأسعار مختلفة حسب النوع
اكو حتى بألف ونص دينار !!!! يعني طك عطية
والزين يبدي من 3.500 دينار توشيبا و وغير انواع
ال 8GB 16 GB
نفس الشي
الاسعار هاي مال شارع الصناعة وكبل مدة احتمال هسة اتغيرت
--------------------------------------------
هسه خطوات نقل التطبيقات من الذاكرة الداخلية للخارجية
اول شي نفتح الضبط
ثاني شي نروح على مدير التطبيقات
ثالث شي نروح على التطبيق الي نريد انقله
رابع شي نضغط على نقل الى الذاكرة الخارجية
واذا نريد نرجع التطبيق للذاكرة الداخلية نعكس الخطوة الرابعة
--------------------------------------------
ملاحظة : بعض التطبيقات من تنقل للذاكرة الخارجية
ما تعمل بصورة صحيحة مثل
كلين ماستر
واكو تطبيقات تصير جزئين
جزء على الذاكرة الداخلية وجزء على الذاكرة الخارجية
--------------------------------------------
الصور من جهاز سامسونج
وكل روم الة شكل يختلف بس هي نفس الطريقة
--------------------------------------------
تكدر تنقل ملفاتك همين لذاكرة خارجية أخرى للفلاش
الي بي منفذ مايكرو و منفذ USB يصير
هم بي احجام مختلفة
بس ما تكدر تنقل التطبيقات للفلاش
يعني يفيد الافلاش بالشغل ملفات بين الموبايل والحاسبة
او الموبايل والطابعة
--------------------------------------------
اكو تطبيقات خارجية من سوق بلي تساعدنا بهذا الغرض
منه
AppMgr III (App 2 SD)
مميزاتة انه يبين لك التطبيقات الي تكدر تنقله وايضاً اخفاء التطبيقات
الرابط
https://play.google.com/store/apps/details?id=com.a0soft.gphone.app2sd
بقلمي
اذا لكيتو شي غلط بتقييم مو تفضحون الله وصى بالستر
رد مع اقتباس
المشاركة الأصلية كتبت بواسطة عــراقيـــه وافتخــر
... كون بخير
