هنا

[حور ☀️]

أ

فكار مبعثرة وأرواح ظمأى... ومع ارتعاشة الشموع ..
و خفقة القلب بين الضلوع ...واستحالة اللقاء ننتظر الألم الجديد وبين دمعة
وأخرى حلم بعيد .. وشوق عنيد، لكن فجر الموت ودبيب الرحيل يعلن اكتمال سيمفونية الحياة الحزينة.

[حور ☀️]

يسألني الحنين عنك...!!!
ثمة علاقة بين زخات المطر والحنين للذكريات.

نقر زخات المطر على النوافذ يحيي الحنين ويوقظ الأحلام والذكريات التي لم يفلح في وأدها الغياب.

[حور ☀️]

يسألني: لم ينزف الصمت منك ألماً وتخر الكلمات باكية ؟؟!!...
فأجبته ؟
دلني على طريق السعادة في زماننا .. وفي أي وطن يسكن الفرح والأمان!!!

[حور ☀️]

أنتظر العائدين.... تهزني أشواقي إليهم ..أشعلت لهم قنديلي لعلهم لدربي يهتدون ..
أستنشق ريحهم في آثارهم ... وانتقيت لهم من الذكرى أعذبها ... انتقيت لهم الحنين ...
ترى متى يعودون !!؟؟؟؟؟

[حور ☀️]

بأيام الدوام جنت اكعد الساعه ب2 تلقائيا بدون ما احد يكعدني او المنبه او غير شي..
جنت اول شي اسويه اطلع شوي بره (ولو الجو مخيف)بس احب اطلع واغير جو
وره نص او اقل ساعه جنت اسويلي شي اكل لان انام من ال10 فأكيد اتعشه من وكت كلش واحييانا ما اتعشه ولا اكعد يم اهلي
لدرجه ما اعرف شصير بالبيت
ممم وره ما اكل جنت شوي افتح النت..)الشوي مالتي ساعه
الكى صديقتي (السابقه )ريم فاتحه النت كالعاده يعني ..ممم نضل نحجي سوه ..وثاني يوم تجي للدوام نعسانه هي لان متنام اوكات
بعد ما احجي وياها اروح اصلي وتالي افوت اسبح وابدل ملابس المدرسه وتالي ادرس وحسب الوقت ...شكد يبقى عندي
لان ب6 ونص يجي مستر قاسم عليه..بس الصراحه شي حلو من وكت لان الجو يجنن الصبح بس اذا شتاءيبوووي
والسياره طبعا خاصه للمدرسه يعني كوستر ..فقبل نصف السنه جنت من اروح للمدرسه اكعد يم السايق علمود صديقتي الاء..
ومن ارجع من الدوام اكعد اخر شي بالكوستر علمود شلتي التعبانه
مممم حاولت اخلي الاء تصير من ضمن هاي المجموعه بس مقبلت لاسباب معينه
المهم تقريبا نص الي بالكوستر اعرفهن وصديقاتي ومن كل الصفوف
لان اني اول ما ادخل للمدرسه ما احب اكعد...احب افوت على كل الصفوف
عندي ربع ساعه فكلشي اسوي بيها لبين ما يدك الجرس:123::123:بالاول اروح اخذ عصير وميخله يومي بدون عصير
فمن من وره هاي عادتي صارن هواااي عندي صديقات وهواي مواقف صرت اني الشاهده بيها(بكل عزا لطام)
بالاخص هاي السنه هواي امور صارت وياي من ضمنها الزينه ومن ضمنها الي مو حلوة وتعبتني هواي
واكثر امر تعبني صديقتي ..بيوم عيد المعلم كان اخر يوم النا ك صديقات ومن ضمنها بدت المشكله):وعرفت هواي بنات على حقيقتهن(طبعا بنات صفنا
الاحيائي الي مشهورين بالمدرسه بالشغب مالنا بحيث ما نشمي كل وحده وصديقتها كنه صفنا كامل كلها سوه بطلعاتنا سفراتنا وكلشي
ومكانه المفضل جان(مكان غريب شوي)مممم لا بالحديقه ولا بمكان قانوني انما كان بالممر الي يربط الاداره مع الصفوف
نرجع لصديقتي ريم .ريم افضل صديقه جانت عندي ومستعده كلشي اسوي علمودها وايضا هي نفس الشي
بحيث يحدسونه على الاخوه الي بينه مو صداقه..بس للاسف الي فرقنا (شخص كانت تحبه)وكلتلي مستعده اتركه علمودج
بس للاسف كان مجرد واحد ....لان الي يفرق بين صديقات بجذبه ما يعتبر زلمه والي يهدد ايضا...
وريم جانت غافله عن هالشي متدري بالي يصير وراها..بسس غطله بسيطه مني وثقتي بحبيبها تخربت علاقتي وياها ومع 3 صديقات (دبل فيس :(
بحيث سويت المستحيل علمود ارجع علاقتي بيها ..بس مكدرت بسبب عنادها وعدها نضريه هي (ما تعتذر من اي شخص ولا تعترف بغلطها)
بس مره وحده خليتها تعتذر من اختها
مممم ريم لهسه احبها ورغم هواي اذتني وخلتني اعاني هاي السادس ..لدرجه وصلت انو ما ادخل وزاري بس الحمد لله دخلت
واكثر من اسبوع تمرضت بسببها بس شفت انو هي ممهتمه اصلا..فقررت اسوي نفسي ممهمته ايضا...بس من داخلي نار

المهم بعد ما اعتذر منها وتعلمت هوواي دورس بسبب هالشي الي صار بينه
وصرت اقوه واقوه ...يعني بين قوسين تغيرت هواي كدام الناس..بس الي قريبن الي ويعرفوني ...يكلولي شخصيتي القديمه بعدها عندي بس متبينين
لاحد ضعفج ...ريم اكثر شخص يمكن كرهتها بكد حبي الها بنفس القوت قلبي يتمنى نرجع سوه بس عقلي ما يطيق وجودها بحياتي
ع العموم لا ريم ولا بقيه صديقاتني يهمني...
صح عندي هوااي صديقات ومن كل الصفوف وبكل الاعمار ..بس ماكو شخص قريب الي بكد ريم وراح يبقى هالشي ...ما عدا زينب (عاشقه السقاء )بالدرر جانت صديقتي ايضا وتبقى صديقتي
...
اتمنى كلشي يرجع مثل قبل...مستحيل اخلي شي يضوجني وبسرعه ابجي على موقف مؤثر يعني..انما حاليا بالعكس
.......
كلولي مره مستحيل اكو صداقه حقيقه او حب حقيقي ...وردت اثبت العكس...بس تصرف ريم ثبت كلامهم
اما بالنسبه للحب ..اخاف اكول كلامكم غلط ويثبتلي احد غير هالشي..فراح ابقى بعيده عن هالشي يعني ما اكول اكو حب حقيقي ...يي مدري شلون اوضح قصدي.


...وبس..حجيت الي بقلبي وارتاحيت
وباالنسبه للسحكات غلسو عليهن