الخذوك شمالهم ماحسبولي حساب
اليبوك من السلف بايك عقل ناطور
اكونك من رحت تفكس عيون الدار
المكحل رماد يشوف بس تنور
ذيب وماكلت يوسف شجاك تخاف
امن واطمئن مابيك كل قصور
بس وطيبتي وديني وصلاة الليل
من ملجوك شفت 14عاشور
العقل يهل العقل راح ويه البنيه
وجيلات العرس ياريتهن بيه
الخذاك اسمه عايز وابن الشويه
كون الوكت مو هاذ ذاك الجنت بي
صدر النهر مخبوط يصفه من احاجي
بعد مالي على الخوان مره
وسنين العمر كلهه اوياي مره
صديقي الما يعلق ولو مره
وجب تركه لأن ذاته رديه
يهل تنشد على حالي تراني
مريض وعندك علومي تراني
لحگني المرض من عدكم تراني
طبيبي احتار والعله خفيه
صفي رايك يا حبيبي
صفيّ رايك يا حبيبي خاف باچر نختلف ماكو عتاب
خاف باچر گتلي شايب وانت شاب وبعدك بريع الشباب
هذا انه وهذا حالي عشعش البوم على راسي وطار من راسي الغراب
گال احبك رغم كبرك رغم شيبك گتله واثق من كلامك ؟
گال احبك تسوه مية من الشباب
گتله هاك القلم وقع
گال اوقع شنهو اوقع؟
گتله كظ القلم بيدك واكتب اسمك
واشخط على اسمك شخط واطني الكتاب
گال چا شنهو العشگ هم بيه تواقيع
ومواثيق وعهود وبيه حساب وبيه كتاب؟
گتله چا شنهو العشگ هسه تغير؟
لو عشگ عدكم جديد وتوه طاب ؟
گال لا عيني العشگ چا هسه نعمه بكيفك
اتحب وتبطل لا سؤال ولا جواب
گتله وي وي چا عليمن نحچي عن مجنون ليلى
وعن كُثير وعن بثينه وعن رباب؟
خليّ اسولفلگ گبل شنهو عشگنه
للنحبه بليل نمشي ونگطع دروب الصعاب
ولو سمعنه بطاري الحب ماكو نوم ولاكو زاد ولا شراب
انگضي ليل شتانه نمشي بغير واهس
لا موسيقى وماكو بس صوت الچلاب
وامشي وگبال الاحبهم وذب اذني بلكي من ينبح چلبهم
روحي يترد واستراح من العذاب
احباب و گلوب ما مش بس چلبهم
اشمذب الماي شبچي بس چلبهم
چثير اچلاب تنبح بس چلبهم
لمن ينبح ترد روحي عليه
ودعي يالله الشمس باچر بلكي تبطي
خاف ابوي الصبح يگعد يلگه اثر رجليه ضال على التراب
گبل چان الحب حقيقي وچان عفه
وماكو واحد دنس اطراف الثياب
گبل چان العشگ عذري وفقط نظره
وماكو واحد بده مايه على السراب
احنه عدنه الحب حزن وانتم فرح
وانتم ضحك واحنه اكتئاب
گبل چان الحب هويه وبيه صوره
وبيه طابع يعني جنسيه ولقب حتى انتساب
وگبل چان الحب وعد لمن تواعد لازم تروح وتوافي
لو سيوف مسلطاة على الرگاب
گال اگلك انت عن يا وكت تحچي ؟
ذاك وكتك راح ما يرجع محال
كلشي بالدنيه تغير عن الاول بالوزن صار اختلال
چانت الودام تحب نيته عدله وگلب صافي واصفى حتى من الزلال
مو مثل هسه العشگ بس بالرسايل لا وعود ولا وصال
گتله قاموس العشگ ما بيه رسايل
خاف هذا العشگ جابه الاحتلال ؟
لان ذوله العشگ عدهم عشگ يومين ويبطل
لا وفاء ولا حرام ولا حلال
گال چا انه اعتذر واسحب كلامي
وهاي تحسبه عليه
لأن درب العشگ عدكم قصه ودروس وقضيه
واحنه هسه العشگ عدنه
الولف يمشي وي ولفه وعينه للثاني شهيه
گتله چا مو عشگ هذا شلون ولفين بگلب واحد سويه ؟
گوم روح وداعة الله بس اوصيك بوصيه
من تعاشرلك ولف بالك تعوفه
موش نص الدرب وتگله شعليه
عليمن طالع انت تجنن اليوم؟
وعيونك كحيلة وتشبه الغزلان
الله يعين من يلقاك في النوم
يتمنَّى يخَلّص العمر حلمان
*
أشك انك بشر من دمنا مخلوق
ويمكنَّك مَلَك في صورة انسان
ويمكنَّك وردة من شمة يحتاروا
ويمكنَّك عسل راضع زعفران
الشارع يشتكي لمن تمر بي
وينوح الرصيف ويشبع احزان
وحك رصعة خدودك بلوه شفتك
بجمالك منته رحمه بلوى شفتك
ولك طركاعه خدك و بلوى شفتك
ومصيبه بضحكتك طاحة عليه
صحبتك ليش كصرت ماطلتها
وانا الدنيا على مودك ماطلتها
جنت لك فرصه سهله ماطلتها
خسرتني بسس بطرانك عليه
مخنوك اعلى صوتك ماتجي شبيك
عجب مامريت بحلم من يمك بيوم!
ماصابك وجع ماصفه بصدرك ضيج
و لا هزك حنين ....... بقلبك ولوم
ماتذكر ولك ليل السهرنا ......
ولا غيوم السما المرن والنجوم
جن اني نسيت وراااح ذاك الشوك
سكن غيري بمكاني وهسه شابع نوم
..كنت هنا ..
بيــك ومـو بغيرك بالي مشغـولالمشاركة الأصلية كتبت بواسطة NOonAa
مخنوك اعلى صوتك ماتجي شبيك
عجب مامريت بحلم من يمك بيوم!
ماصابك وجع ماصفه بصدرك ضيج
و لا هزك حنين ....... بقلبك ولوم
ماتذكر ولك ليل السهرنا ......
ولا غيوم السما المرن والنجوم
جن اني نسيت وراااح ذاك الشوك
سكن غيري بمكاني وهسه شابع نوم
حبيبي الخاطري لـو سافرت كول
انتظرت طـيوف ليلكـ
نفـس مرني دخيلكـ
انازع والحنيــن ابروحي مشتول
غير تـكول رايح حتى اودعك
ذكرتك والعمر كل ضحكه دمعه
يل مثل الهوى ويا الناس طبعك
من اشوفن صورتك صوتك اسمعه
غريـبه الـروح جنـهه
العطش غافي بجفنهه
علي يكصر الليل وهـجـرك يـطول
حبيبي اشتاكلك هم مثلي تشتاكـ
دمع فـوك الجفـن ينـبض حنـينـي
ثـكيلة اشواكـي جنها ايـام الافـراكـ
على كد الـبعد بـينك وبـيني
فراغـك مارحمني
تعال وبيك ضمني
علـي يا نفس يرهم واني مكتول
لونك مـاتـغير..بـعده نفسه
شنو اخبارك حبيبي اشلون الاحوال
كلشي البيك باقي ابروحي احسه
ظـلت يم دمـعتك راحـة البـال
يمك كلشي دافـي
المسية تـمر عوافي
شكلكـ والعذر عند الله مقبول
شكرآآ لتواجد هنااا نورتي
كوني بالقرب
تحيااتي
حبيبي وداعتك تتلاگه الوجــــــــــــوه
وعلى كلشي نتحاسب وحده وحده
أجرحك بالعتب ما أجــــــرحك بسيف
لأن جرح العـتــب محـّــــــــد يضـمـده
مو گــــتلك تـره هالــــــــــدنيا دولاب
وإذا إفترت عكـــــــــــس حيلك تهده
بس إنت غرّيـــت وغـــــــــرّتك دنياك
البحر يجـــزر تره شـــــــما طال مده
باجر من تـضـــــــــــوگ الدمعـه والآه
تجي أدوّر محــــــــــــب وتريد سـدّه
واگلك هذا حـدّك لا تــــــــصل للباب
وأذكرك من جنـــت بابــــــك تسدّه
