تسهر المن ؟؟
وانته لا ناطر فجر يلفي بعزيز..
ولا مكاسر ليلك بضحكة ولف
تسهر المن ؟؟
وانته لا ناطر فجر يلفي بعزيز..
ولا مكاسر ليلك بضحكة ولف
ترة خيوط الجرح… چـلمات
موش خيوط…
لو مر الملح ..ع الروف تفزعله..
وانه ..بلا عين… أخمن بيـك..
واتوزر عله الـ (يا طيف)
لو مريت افرعلــه
وين الگـاك
وانه ..هنا… حزن شبــاچ…
مـا متراچياته…
چفوف…
وانه هنا... گمر عطـشان…
ما مدهدي…
بـين جروف…
ميخالف يروحي ..... تحمليهم
هذوله اعزاز .. ميزعل حجيهم
اسمعي ..وعدي ياروح
وابقي اتحملي ..جروح
كون يصير بيج ...الصار بيهم
ميخالف يروحي ....اتحملي الصار
الشمع مايشكي .. من يحترك بالنار
مامسموح تبجين
هذوله احبابي ياعين
ازاعل كلبي .. إذا يزعل عليهم
قسمتنه يروحي .. اثنينه نحير
غلطة الصار بينه وبعد متصير
لو ادري يزعلون
اطيح من البجي عيون
وابيع الدنيه كلهه ... واشتريهم
ميخالف يروحي ...تحمليهم .......
كافي لاتعتذر بعد كافي اعتذار..
..
..
من ضميرك لوردت تاخذ قرار….
.. لاتسولف للضحك سر الدموع.
..
.حته من تضحك تحس بيك انكسار..
..
وارسم دموعك ورد والهم ربيع..
.. الروح تفرح بالربيع وبالخضار..
ولاتحط بسجة الليل امنيات..
..
خاف ترجع تلكه ساحكهن قطار..
وإنسى كلمن ينسه طرواك ويغيب.
..
.ورادغيرك ونته كاضيهه انتظار..
عاشر اجروحك إذا راح الصديق..
.. لاتحاول تصنع لزعله اعتذار.. ..
وأسحك الحسرات كلبك خله صوت.. يهتف بكل حين مثل العنده ثار….
شنو يسوه العمر لو زفتك تفوت
تصير ألغيري عندي الموت أرحم
أذبح ضحكتي لو كالوا أفـــــلان
لبس باليسرى حلقة البيها أحلم
تتناثر أعضاي بوحشة الليــــــل
وأتبعثر حبيبي وبيـــــــــــك أنلم
صارت حالتي كلمة بحلك خرسان
يحچيها أبشارة وأيــــده تتلعثم
خناجر بالكلب نبتن بعد فركاك
كل عقلك يغالي بدونك أسلم
بعدك ياحبيبي الموت كحل العين
أجه كحل عيوني وتالي صخم
أتيتم بدونك هيچ حالي يكول
ترضه يكول حالي أفلان يتم
ماأعرف حبيبي غير جملة وبس
ألـــــي أنته غير أحروف مَعلم
ياهو بهل بشر يترس مكانك يوم
وأنت الكون يمك حيـــــل أنعم
محسود جي اكتب شعر وجروحي ابد ماغافيه
الله شكد شايل عطر محبوبي عطر العافيه
منقوش اسمك بضلع فاقد حبيبي ومارجع
والاه تطلع صافيه ليش لفقد ولفه يون
ومكتوبله يعيش بحزن ودموعه تنزل دافيه
وليش من الزمك ياقلم تكتب ترى جروح والم
نار الهجر مو كافيه جاوبني قلمي قائلاً
ياابو العيون الصافيه مكتوب بصوره ترى
يفلان ابشرك من رحت
وياك اخذت العافيه..
.طبول الزمن دكت دام…… . ما دام
العشك ذاك العشكته اشعجب. مادام
عليمن احترك وانقهر. ما دام
الوكت… صاير خدم. للكاوليه
لك بايع دليلي وانت حر بيه
اموت اني بجمالك وانتحر بيه
افجر كلمن يحبك وانتحربيه
لان مخصوص حبك بس اليه
