افرح لوشفت وجهك وسر بي
وحبك ثابت بكلبي وسر بي
شماطال الدرب امشيه واسر بي
واجيب الروح لعيونك هديه
افرح لوشفت وجهك وسر بي
وحبك ثابت بكلبي وسر بي
شماطال الدرب امشيه واسر بي
واجيب الروح لعيونك هديه
هجرك يا ولف صاير بلا حد
مثل سيف اليگص رگبه بلا حد
گلتلي انتظري اني ارجع بألاحد
اجه الاحد ويمتى تعود اليه
تدري اشكد الك كلبي ولع ضام
صغار جروحي يهونك والعظام
اموتن واندفن واعتك والعظام
تجيك زحوف لو ناديت الية
وكن اليوم حزين
اينك ياامن سكنت قلبي
خاويت النفس جي ماحمل اه
وماون وفضحني ويه المأسي
كبل صاحبت راسي كلت ارتاح
طلع راسي جذب نايم براسي
عفتك الشمس حتى اسمر تصير
وعيون العواذل تكطع النظره
رديت ارد اشوفك من وصلت الكيت
وجهك ماتغير والشمس سمره
أدك باب كلبك صارلي هواي
تطلع شوفه ياهو شوفه شيريد
اذا ابقه ادكن أكسر الباب
وعليك انه اطب اتريد متريد
كمت اغار هواي من عندي عليك
واي جزء بيه عليك يعاني
ولأن يحجي هواي وياك اللسان
كمت اسولفلك بدون الساني
شيجيبك يباجر والتقي وياك
وشيلنك كلب مابين الضلوع
واذا باجر اجه وماجابك وياه
اكض باجر وشيلنه من الاسبوع
عليك الكل ثابت قفل مقفول
اموت وما ادور عن بديلك
ماحب الصلاه بس كمت صليت
أصلي الخاطرك حتى اندعيلك
