جميل انت والاجمل بيك خطك
ويهنياله الصورك بيده وخطك
اريد اسأل يغالي شنهو خطك
اذا زين العراق اتصل بيه
جميل انت والاجمل بيك خطك
ويهنياله الصورك بيده وخطك
اريد اسأل يغالي شنهو خطك
اذا زين العراق اتصل بيه
لعب حبك بكل عضاي "دورة"
عزيز والك بالشريان "دورة"
اذا شكيت هاك الكلب "دورة"
اذا غيرك لكيت اعتب عليه
عيوني قبل كلبي كلمنــــــــكم
وانة المايوم كلبي كل مـــنكم
وانة اللي صار بية كلة منكم
لان انتم لعبتم طوبــــــــة بية
الهــــجر يكتل يحبي وانت داري
عليـــــك يخاف كلبي وانت داري
انـــت اهلي وعمامي وانت داري
انــــت امـــــــي وابـوي واخ اليه
اهنا يلخذة روحي وانته بيه
المحاسن فرع منك وانته بيه
لاتحرك جبدتي وانته بيه
خوفي عليك مو خوفي عليه
الكلب صار الك سلوة ويضلك
ويا ويله اليبعدك عني ويضلك
اغار عليك من تمشي ويضلك
واغار عليك من روحي عليها
حبيبي لاتشد راسك سلامات
وصلني خبر عن صحتك سلامات
الف مكتوب اوديلك سلامات
مشافة ولمرض يندار بية
صعدنة وما وصل واحد ونالاك
وحبيبي شلون اقنعنك ونالاك
اذا مكتوب الية انت وانا لك
وربك ما تفرقنة المنية
تنخه تريد اجيك اليوم بالحال
وانت اعرف حبيب الروح بالحال
تدري لو غبت شيصير بالحال
احس لا حول الي ولا حيل بيه
ردت روحي ويروحك دوم يصفن
ودموعي عليك ما ضن يوم يصفن
تكول الناس هذه شبيه يصفن
ما تدري بغرامك لعب بيه
