اشتاكيتلك كللش هوايةبقلمي // كتبت هذه القصيدة في يوم الاربعاء الموافق 19/3/2014
وكلبي مايعشك سواك
********************
انته اجمل صورة يرسمهه خيالي
وتبقه كلمة مطبوعه طبع دوم عله بالي
وتبقه نسمة صبح تطلع .. بعد ماتمضي الليالي
انته شمس الصبح انته ..
كللي هم يسوة الصبح يطلع بلاك
اشتاكيتلك كللش هواية .. وكلبي مايعشك سواك
******************
ترضه اموت من القهر من انته تحزن
واحسب الساعات جنهه سنين مرَن
وانته غافي وما تحس بالبييه اصلا
وابقه اكللك هذا اني .. وهذا صوتي
يصيح يا اجمل ملاك
اشتاكيتلك كللش هوايه .. وكلبي ما يعشك شواك
********************
ثابر الكون بجمالك ياللي حسنك موطبيعي
من اشوفك احجي وي روحي واكلهه
هذا كلبي شما يامرج انتي طيعي
لان ما اكدر اخذله وهو يتنفس هواك
اشتاكيتلك كللش هواية .. وكلبي مايعشك سواك
***********************
ياترف ابقه احبك وانته ماتعرف شعوري
انته روحي ونبض كلبي يللي عطرك ورد جوري
نظرة من عينك تكفَي هي لترجعلي نوري
صدَك شما غبت عني ابقه آنه اسمع نداك
اشتاكيتلك كللش هواية وكلبي ما يعشك سواك
***************
وهي الان تظهر لاول مرة في هذا المنتدى الرائع
ارجو من كلماتي المتواضعة ان تنال اعجابكم
أحمد الركابي
رد مع اقتباس
