المشاركة الأصلية كتبت بواسطة المهاجر الزيدي
الله ايخليك تسلم
دايخ بالزمن وألچاره مدري أشلون ...
فديتك يافهد لمن أتغنيهه ...
موال ألحزن صدگوني ياهلناس ...
بلسم للجروح ألچنت خافيهه ...
=========================
يگلبي أشلون عايش تنبض أسنين ...
وأعرفك منجرح وشكثر حسراتك ...
ما أذكر حقد فد يوم عايش بيك ...
ليش أنته أبحزن وتعيش مأساتك ...
أوصفك ذيب أنته وتبقه لازم ذيب ...
ماريدك ضعيف ومن أجل شاتك ...
عليك ألناس دارت والزمن وألكون ...
وأنته ألطيبه وألأحسان مالاتك ...
أعرفنك يگلبي بالنهايه أتموت ...
وشوف أشلون تضحك تبقه شماتك ...
==========================
لتخلي ألبلابل عايشه بأقفاص ...
أفتحله ألقفص وأنطيه حريته .....
خليك أبمكانه وعيش بالأحساس ...
وشوف أشلون هاي ألدنيا ماذيته ....
أذا غرد!!!! جنابك أنته مرتاح ؟؟؟؟؟؟؟؟؟؟
من جرحه يخايب ينسمع صيته ......
أيغرد من ألم لاتعتقد مرتاح ...........
لأن هذا ألقفص ماينحسب بيته .....
من طبع ألبلابل تسكن ألأشجار .....
مو داخل قفص مسجون تاليته ......
مارايد أكل لو شرب منك دوم .......
أنصحنك أتركه أهواي أذيته ........
تتمتع حضرتك لو سمعت ألصوت ....
ماتعرف ألم وجروح خليته .............
=====================
شامات أله عالخدود ...
يحچي علي دوم أبزود ...
أنخه ألله ألمعبود ...
أيلين أگليبه ألقاسي ...
شادهني شوگه ياخلگ ...
سكران منه أبلا عرگ ...
هوه ألثمر وأنه ألورگ ...
غيره فلا يحلالي ...
======================
شكراً يازمن وأني ألك ممنون ...
عصفور بره ألقفص وأنه أبسجن مسجون ...
ألدنيا تفتر عكس ويه ألأصيل أتخون ...
والنذل عايش منسعد !!! بس والله كلهه أتهون ...
==============================
ياقمه وأصاله ومرجله وتاريخ ...
يانبع ألحضاره ياعراق ألخير .....
ليش أنته أبحزن كل عمرك أنته أتعيش ...؟؟؟
أقنعني أبكلامك وأنطي أي تفسير .......
جاوبني العراق ومن گلب مكسور ........
ألف واحد أجاني وماكو كل تغيير .........
ردت أرضي ورد تشتمه كل الناس ......
مو عبوات أصيرن أني والتفجير .........
ومو طبعي أفرق بين هذا وذاك ........
وحسافه أتصير بيه فكرة ألتهجير .....
بس أنته عراق حسين والعباس .....
ميهمك أبد صدگني كل تأثير .........
جاوبني أبقهر حال الفقير أشلون ....
وأني الما أريده هسه بيه أيصير .....
من حقك گلتله وعيني بس أدموع ...
ما أكتب بعد ويخوني ألتعبير ...........
===============================
كل فوائد الدنيا غرور ... ولايبقى لمسرور سرور ... فقل للشامتين بنا افيقوا ... فان نوائب الدنيا تدور ....
====================================== ======================================
لاتفرح يشامت بينه وتلوم ...
ولك دنياك خايب والله غداره ...
يجيلك يوم تبچي وبالحزن مهموم ...
لأن هذا الزمن ماتعرف اسراره .......
اذا شمتان بيه ومبتسم فرحان ......
لاتنسه ابد دنياك دواره ...............
اقسملك قسم ماتبقه هيج ادوم ....
يل گلبك عليه صاير احجاره ...........
بس اني اعذرك عقلك ازغيرون .......
مايوصل العقلي ويوصل افكاره .......
=============================
أيكولون ...
======================
ولك اطفر نهر ماطوله بعده ازغير ...
اذا يوسع ابد ماتكدر اطفره .........
======================
جوابي لهم ...
======================
ابد مو مشكله لو نهري يوسع حيل ...
افوجن بالسباحه ولازم انعبـــــــــــــره ...
======================
أني من أحچي أسولفلك يقين ...
لا ألف ولا أدور ولا ألح ...
ألزين زين أشما يذم بيه ألكلام ...
وألرذيل أيظل رذيل أشما يغطيه ألمدح ...
==========================
رد مع اقتباس