قبلة ألجبهه حنان ...
وقبلة ألخد عاطفه ...
وبوسة ألأيد أحترام ...
وبوسة ألشفه صفه ...
===================
قبلة ألجبهه حنان ...
وقبلة ألخد عاطفه ...
وبوسة ألأيد أحترام ...
وبوسة ألشفه صفه ...
===================
گالوا عالچلب كل ذيله مرفوع ...
چا ليش أبعدل ماشي أنته وياي !...
====================
لو نفرض ألدنيا أبدون حواء ...
وألعالم عبث وألشهوه للكاس ...
لو نفرض أديك أتصير رجليك ...
وتمشي أبعكس ضلك ونته بس راس ...
أشتتوقع زمان ألجاي شيصير ...
ونته أتشوف خشبه أطبر أبفاس ...
=======================
لتصدگ أجيك وگلبي زعلان ...
لا .. هاي أستحاله وما أسويهه ...
أله أعيوني تعمه وبيهه ماشوف ...
ساعتهه ألدمع يمكن أيدليهه ...
=====================
لاتنظر علي من ثقب ألأبره ...
عينك ماشفت بيهه ألمأسي ...
كل نقطه أبنهاية سطر وتروح ...
بس حبك بقه أمعلگ أبراسي ...
===================
كافي أمن ألظلم شفنه ألمأسي ...
وألطبخه أستوت بيد ألسياسي ...
تعبان ألشعب يوميه تفجير ...
بينه ألدم صبغ لون ألكراسي ...
====================
ملينه اللطم ونشگ ألهدوم ...
وتعبنه أمن ألحچي ألبس ..بيه شعارات ...
عزرائيل من گد ماخذه أرواح ...
كره بس من ورانه ألعدل والمات ...
=======================
أحتقركل واحد أيصفگ چذب لبن ألغني ...
وخبزه ماينطي أبنفس لبن ألفقير ...
وأحترم كل كوخ ظل أعله ألجياع ...
ولعن أليسكن قصر مابي ضمير ...
=======================
أذا بيتك گصب لتزعل ألنار ...
جايز من شراره أتصير جثه ...
لتگول أني وأني وباني تسليح ...
گبلك چم قصر نخرته ألعثه ...
======================
أستحاله ألمگبره أترد ألهه تابوت ...
جثث فوگ ألجثث تملي ألمگابر ...
ألشجاع أيموت فوگ ألروس مرفوع ...
وجبان أيعيش ودوسه ألقنادر ...
=======================
رد مع اقتباس