هنا

[.Diyaa Nawar]

راس طك راس الاجت ليه مشرعه
چنها نسوان بعبيها امكبعه
طار مثل الحوم من المشرعه
ودفر بالماي وعلى اليابس جره
==========================

[.Diyaa Nawar]

بس جره وشد ركوته وطر اللكوه
شدها بزنوده ويهم لاطفال اخوه
لاكن اولاد الخنه مسرع چفوه
اتحشمتله ودارت عليه دايره
=======================

[.Diyaa Nawar]

اسرع وجته السهام مخالفه
مثل رشك الغيث مكفه العاصفه
وسفه لن الجربه كلها مزرفه
وانهدم عزمه وتكسسر خاطره
========================

[.Diyaa Nawar]

بيكم من أصف يحلن اشعاري
أنا الخادم أظل وانتم شعــاري
أنا المندونكم اللــــه شعــاري
دون أهل الكساء بلا هويـــــة
=======================

[.Diyaa Nawar]

فرض حبكم علي مشّاي الكم
أجيب المصطفى مشّاي الكم
بحق كلمن أجه مشّاي الكـم
يا آل المصطفى تشفعون اليه
========================

[.Diyaa Nawar]

أذا جافاك دهرك يوم وادبـــــر
واذا ماصاحبك بادرك ود..بــــر
توسّل أذا غاب الشفق وادبـر
بالحسين وأبوه حامي الحميـة
========================

[.Diyaa Nawar]

قسم بالأرض حاضرها وخلاهه
ألك صوره ولا كَلبي خلاهـــــه
حبّك يا علي روحي خلّاهـــــه
تدكرك يالوصي صبح ومسيّه
=======================

[.Diyaa Nawar]

هم واحد لكَه من الغرب عالروس
مثل حيدر علي لو ضرب عالروس
برز عمرو وزئـر صـــار ابن عروس
لمن شاف برزتله المنيه
===========================

[.Diyaa Nawar]

بعلي وولده نظل نرهب عدانه
المودتهم أبد محّد عدانـــــــه
شيعه وما حفظ عهدك عدانـه
يطه ويسمّونه الرافضيّــه
=======================

[.Diyaa Nawar]

أريد احركَ اقلامي بحقل مجنــون
واعيش ابطن سابح ماي مج نون
تصيح الناس شاعر صار مجنــون
بحب آل النبي العتره الزجيّـه
==========================