هنا

[.Diyaa Nawar]

والله خايب عيب اكولن من اسميك الحبيب ...
واني غلطة عمر مني وارتبط بيك النصيب ...
كتلك اسمع دوم مني وعوف كلمات الغريب ...
لان انه اوياك واحد والزمن كلش صعيب .....
==========================

[.Diyaa Nawar]

لاتفتهم بالغلط من احجي انه اوياك ...
خليهه عندك علم وافهم ولك دنياك ...
اصحاب هذا الوكت عل مصلحه ماشاك ...
ميز طريقك عدل يمعود اترجاك ...........
=======================

[.Diyaa Nawar]

يصح منجل رجيج ومايفك الدين ....
حوه العاكول بسنونه وخطه القمحه ....
ويصح منجل اصيل امخاوي للمحراث ....
حفر بيده السواجي وماخذل فلحه ..........
========================

[.Diyaa Nawar]

الماينام الليل صاحي ومو عليل ...
دور باحساسه تلكه المشكله .......
لو امفاركله وطن لو غثه ناي ....
لو شريك انفاسه مامقسوم اله ....
====================

[.Diyaa Nawar]

روح ابراحتك وابتعد عن العين ...
بس ماتلكه مثلي وداعت اعيونك ...
انه الضحيت لجلك وانته تعرف زين ...
وكليبي الوفي مايعرف ايخونك .........
حسافه اشلون كلبك طاوعك وتروح ....
والعشره الطويله اتهون بظنونك ........
تتصور يخايب من رحت ومشيت ........
ما اكدر اعيشن اني من دونك ..........
شلتك من خيالي وما افكر بيك .........
ولا فد يوم اذكرك واسال اشلونك ......
عزيز النفس طبعي وما اذل الروح .....
واداوي جروحي بيدي وماردت عونك ....
شخص ثاني ابمكانك هسه راح ايصير .....
واخليهه المذله اتعيش بجفونك ...............
ربك من خلق خله الجمال اسباب ...........
احلى اهواي منك مايشبهونك ...............
واختمهه القصيده بكلمه وحده اوياك ........
اني العفته كلهم ...من يسالونك .............
==============================

[.Diyaa Nawar]

حبيب الروح انته وكلبي هايم بيك ...
ياورده وقرص نعناع بالشهكه .......
ماتفصلني عنك غير بس ايام ........
لازم ينتهن وانعاود الملكه ...........
ياسرب النوارس من تمر عالبال ....
مثل حبي الك صدكني ماتلكه .......
زرعتك بالكلب واسكيك ماي العين ....
رغم بعد المسافه وطولة الفركه .......
شاعر بالغزل نفسيتي من ترتاح ......
وشاعر بالحزن لو روحي محتركه ....
ماريد الحزن يطرق عليه ابواب .......
انه اوياك اريد اثنينه انسحكه ..........
ياشجره وجذرهه ابكلبي عايش دوم ...
روحي ودمي يعني اتشيل كل وركه ....
========================

[.Diyaa Nawar]

اجتني اخبار بس لليوم ..ماشاك
وبدت تشمر ابكلبي النار..ماشاك
اجن وازعل اذا مخلوق..ماشاك
لان اني الك وانته اليه
==================

[.Diyaa Nawar]

تعال اسال عليه وشوفني بيا حال ...
متغير صرت والحزن صاحبته .....
مو ذاك التعرفه الجان مرتاح .......
لان حته الفرح بالحزن بدلته .......
اوضحلك فقط .. مولجل انته اتعود ...
واتصور كلامي الناس فاهمته ........
ميهمني كلامي اتسمعه كل الناس ....
بس عندي المهم وياك وصلته .......
خليك ابمكانك عايش ابتفكير ........
وكللهم عليمن اني ودعته ...........
لاتسمع حجيهم والله ميفيدوك .......
لان بس الهجر وياي حصلته ......
شوف اشلون ناسك لمن ايدخلون ...
خصوصا وي شخص ماينسه سالفته ...
طبع بيه عنيد وما اطخ الراس ..........
ولا جف المذله ابيوم صافحته ..........
===========================

[.Diyaa Nawar]

مو حلوه من اتكون وياي كلش صعب ...
ومو حلوه اعمى اتصير ويضيع بيك الدرب ...
ومو حلوه هذا العمر يخلص ابظيم وحرب .....
ومو حلوه شامت ولك يضحك ودمعي يصب ...
=============================

[.Diyaa Nawar]

كلتلك ياكلب صدكني ميفيدوك ...
اخذ مني النصيحه واسمع احجايه ...
هذوله اللي تحبهم ابد مايوفون .......
بس انته فقير وكلش اهوايه ..........
منهم ماشفت ياكلبي بس احزان .....
وعليك الحرب شدوا رفعوا الرايه ...
منو بيهم اجاك ابوكت الاحزان ......
ومنو بيهم عليك ادموعه بجايه ......
غريب انته بحياتك بين هاي الناس ...
خليك بصلابه وثبت الثايه ............
مايحتاج تنذل لجل هذا وذاك .........
واذا دربك جمر خليك مشايه .........
===========================