لا اريد نايا اني أحمل في الصدر نايا ...
عازفا أه ..وأه .. باالأماني والشكايا ...
البلايا انطقتني سامح الله البلايا ...
لست ادري ما امامي ولست ادري ما ورايا ...
==========================
لا اريد نايا اني أحمل في الصدر نايا ...
عازفا أه ..وأه .. باالأماني والشكايا ...
البلايا انطقتني سامح الله البلايا ...
لست ادري ما امامي ولست ادري ما ورايا ...
==========================
توقيع مني الك والبصمه زائد ... ختم
قصة هوانه انتهت وأعلنهه كلمة ... ختم
مو كَلبي خان العشكَ كَلبك نساني ...وختم
لاتنتظر وتكَول يرجعلي لازم ... يرد
وانساني لاتتصل محد ايجاوب ... يرد
اوراق عندي اشكثر سويت بيهن ... يرد
كل ورقه جانت ولك بوساتي بيهن ... ختم
=========================
كَلبي يالمالك دوه ومالك طبيب ...
كَلبي يالعايش عله الدنيا غريب ...
أدري بجروحك أتندي وماتطيب ...
وأدري تكَظي العمر ماتلكَه حبيب ...
======================
جنت قمه ابخيالي وما اشوفك دون ...
هسه اختلف كلشي وراحت النظره ...
عمت عين الوكت خلاني أمن بيك ...
حسبالي تجيني الخاطري اجبره ...
ايام اشكثر مرن علي صعبات ...
وانتم للأسف كل واحد ابجحره ...
شيفيد العتب واتعاتب انه اوياك ...
بعد متفيدني لو تشعل العشره ...
انه الميريدني محروس الله اوياه ...
قابل هيه كَوه انجيبه ونجبره ...
======================
اذا ربك انطالك نعمة النسيان ...
مو نسيان مطلق بالوصف موصوف ...
لأن هيهات تنسه الحدث لو مر بيك ...
واكَبالك ايصير وبالنظر مكشوف ...
اتحدى البشر لو كَال انسه ابيوم ...
اذا فاقد عزيز وماتمره اطيوف ...
عايش بالذهن ماتنسه تكدر يوم ...
وتبقه ابحسره دومك والكَلب ملهوف ...
اهواي احباب راحوا للنجف ميتين ...
وظلت بس صورهم احنه بيهه انشوف ...
========================
اشعجب كلبك نساني وابد ماحنيت ...
وعجيبه اشلون تنسه البينك وبيني ...
عفتني ابغربه وحدي وزمن قاسي اوياي ...
وجروح الزمان اهواي تاذيني ...
جنت شمعه ابحياتك والضوه ابدنياك ...
وابد ماقصرت وياك تدريني ...
شيفيد العتب واتعاتب انه اوياك ...
ياموس ابلهاتي وبايكَ اسنيني ...
ياكَلبي اتركه وعوفه خله ايروح ...
لاتذكر شخص فد يوم ناسيني ...
عافوك ابجرح مامنه طيبه ابيوم ...
لتفزز اجروحي البيه .. يكفيني ...
اتوقع جنت كل عمره يوفي اوياي ...
تاليهه سهم بالظهر ينطيني ...
=====================
أبوسك مره مو كافي ...
أبوسك ميه مو كافي ...
گلت خل أخلص وأرتاح ...
وسجل بسمك أشفافي ...
===============
ناس تاكل ناس ليش ؟ ...
لاتگلي ألجوع كافر ...
==============
مو فقط راسك ترفعه ...
حته گلبك خله عالي ...
==============
ألگبر مدخل ...
ماكو مسكين وغني ...
أثنينهم طبوا سويه ...
=================
رد مع اقتباس