خليلك بشر وكت ألملمات ...
كون أتحس كسر عنق ألزجاجه ...
ولتعاشر نبي وينظرلك أبسؤ ...
ويريدك فقط تمشي أبمزاجه ...
====================
خليلك بشر وكت ألملمات ...
كون أتحس كسر عنق ألزجاجه ...
ولتعاشر نبي وينظرلك أبسؤ ...
ويريدك فقط تمشي أبمزاجه ...
====================
أذا متفيد لتضر وبقه بس نار ...
ماريدك تجيني أتصير دخان ...
تره المابيه حميه أشلون تنخاه ...
وضميرك يقبل أمن تگله جوعان ...
======================
بدايات ألنهايه أبعينك أتصير ...
قبل كلشي أبحياتي وبعد كلشي ...
لو أدري ألحلم يجمعني وياك ...
أغمض أعيوني حته أتبوس رمشي ...
======================
لاتتكبر على الناس
شمايعله السعف تاليته مكناس
فرق مابين شاعر ينزف أحساس ...
وترك بصمه أعله كل مقطع قصيده ...
وأخر ماعرف يكتبله بيتين ...
وطلع رسمه أعله كل صفحه جريده ...
=======================
المشاركة الأصلية كتبت بواسطة حسن الياسري
حلووو حبيبي حسن
مد أيدك علي لتگلي مالوح ...
ألكرامات ألبديك أطيب أجروح ...
خدرانه ألشفايف سولفت بيك ...
وحس كل كلمه تطلع تاخذ ألروح ...
======================
صعب تطفي أبسعفه نار ...
وتنگل أبكاغد جمر ...
صعب تطفر نهر ذله ...
وتعبر أمدنگ جسر ...
===================
خافوا لا أجيك وتلتقي أوياي ...
خلوا علي عين أيراقب أنفاسي ...
صح گصوا أديه وما وصلت ألباب ...
بس صوتي وصل ... مو مهم راسي ...
=======================
مرات ألجرح يهوه ألسچاچين ...
وعله دم ألنزف يبچي أبحراره ...
وأكثر من هذني وگلبي مامات ...
لأن خلگي أبكبر عمر ألحضاره ...
=====================
رد مع اقتباس