هنا

[.Diyaa Nawar]

من يوم ألرحت ماشفت طعم ألنوم ...
مشغول ألفكر وعيوني سهرانه ...
سحر سويتلي ؟ لو أني هايم بيك ...
لأن شخصك أبحلمي وصعب نسيانه ...
=======================

[.Diyaa Nawar]

رجاءً غير الموضوع ... كلامك هسه مامسموع
لاتحچيلي عالماضي
راضي وياك ماراضي
ماگلك چنت مخدوع
بعد مايمشي موالك ... ولاگلبي ألبقه أبحالك
لأن ماظل عذر مشروع
رجاءً غير ألموضوع
أنته بيا دمع بعيونك أتأثر ... وتحاول تجيني بعذر مو أكثر
قضيتك هسه خسرانه
مو ذاك ألتعرفه أنه
ولا بعيوني باقي أدموع
رجاءً غير الموضوع
أني أيعز عليه أتكون مامرتاح ... بس هيه ألمصيبه أشلون أعيد ألراح
صعبه الينجرح بالروح
ينسه أبلحظه مامجروح
ويصير أبظلام أشموع
رجاءً غير ألموضوع
===============================

[.Diyaa Nawar]

أحس بعض ألبشر متغير أهواي ...
وكلش مختلف ومغير أطباعه ...
ما أعرف عليمن وألسبب مجهول ...
أيجوز أفلوس عنده وزادت أطماعه ...
أتعجب وأشوفن بين ليله ويوم ...
ينساك ألصديق أبسرعه وبساعه ...
يمعود شجالك شنهي گلي ألصار ؟...
مو تدري ألشماته أوياي طماعه ...
چنت حاسب أحسابك غير كل أحساب ...
وحساباتي أطلعت للأسف خداعه ...
========================

[.Diyaa Nawar]

ألى أحد ألأشخاص في فيس بوك ....
======================
تتمنطق يخايب ليش أنته أوياي ...
وياهو ألعلمك فهمني بالمنطق ؟؟؟
مو أكتب كلام أيغثك أنته أهواي ...
وتعرفني يخايب لو ردت أنطق ...
لاتكتب لغز لو علقت تعليق ...!!
لأن مايوم أرحمك ما أبد أشفق ...
أحذرك ياصديقي أتكون واعي وياي ...
ماريدك كسول ودومك أمحدق ...
شتفيد ألطلايب من خلال ألفيس ؟؟؟
تعال وزورني تلگاني بالفندق ...
واجهني أبكلامك بالوجه مرخوص ...
ولاتكتب أبد للجاي مستطرق ...
مضمون ألكلام أتعرفه أنته أهواي ...
لأن فوگك يخايب دوم متسلق ...
============================================

[ســـــجـــــودي ﹩ʝ☹]

افتتاح مبارك