هنا

[.Diyaa Nawar]

صاح انا الها ونبط عرجه وطفر
والرمح هزه وغمد سيفه انشطر
گله انا الها يبن فارس مضر
هسه تحله ورمحه هزه وكّسره
===========================

[.Diyaa Nawar]

كسّره وهّوس وهز چفه ورجف
للمرادم اطرب بسيفه وعزف
باس چفه وهبط الجدمه وحلف
لطبگ اليمنه اعله كتر الميسره
======================

[.Diyaa Nawar]

الميسره اطبگها واشيللها الرواح
والجناح ابردني اذبه اعله الجناح
انت بس اوگف وخذ بس الصياح
اصياح نسوان الهوت عالمگبره
==========================

[.Diyaa Nawar]

مكبره وطرها وشبخ فوك الاصيل
والدموع من الفرح تجري وتسيل
اليوم يومه وين عايلها اليعيل
وسم الازرك على الصارم گطّره
========================

[.Diyaa Nawar]

گطرّه واطرب ودفه بكل درع
يشلع ابچفه الذي ماينشلع
واليشوفه ايموت موتت مخترع
چنه عزراييل لفها بخنصره
======================

[.Diyaa Nawar]

بخنصره وصاح وجفل من صيحته
الفارس المجبل الطاح ابشفرته
ترتعد مثل السعف من هفته
التيهت مشرادها وردت وره
======================

[.Diyaa Nawar]

التيهت مشرادها اتصيح المفر
چنه صعصع فوگ كل هامه استقر
يبرج ابسيفه ويزخ زخ المطر
ودرعه يطحنها ويلمها مطشره
=========================

[.Diyaa Nawar]

مطشره ايلمها وبعد تفتر رحاه
يطحن بسيف ويذريهم وراه
صار رايه ايغير الدنيه بهواه
ويگلب التاريخ ويرّده الوره
======================

[.Diyaa Nawar]

يگلب التاريخ وبرمحه الاشد
من گفا تنين والمگبل اسد
لوعلى امطّهم تربع لوگعد
ينخ تحته وينكسر من مدوره
=======================

[.Diyaa Nawar]

مدوره يكسره ويطفها بلايه غوج
بس يصيح بخيلها ايوكّع السروج
روج من دم طافح وبالدم تفوج
وين وين اليوصل الحد معبره
========================