هنا

[.Diyaa Nawar]

شلت همك وسط كلبي وانه نحيل
وسمعت عظاي من جورك وانه نحيل
بقيت اصفن انه وروحي وانه نحيل
بغيابك يل تركت اجروح بيه
======================

[حور ☀️]

جميل
تسلم الايادي

[.Diyaa Nawar]

اذا وحدك بقيت بيوم
رب عيش ..
مثلي .. وفوك راسي هموم
ربعيش ..
تسولف علربع بلضيج
ربعيش ..
وعلي بلضيج اضل بطرك اديه …
======================

[.Diyaa Nawar]

جميل
تسلم الايادي

شكراً أخيتي

[.Diyaa Nawar]

الم انه ابقى عندك انه ذكرى
وابد منسى النساني وابقه اذكره
لاتسال كرهتك انه اذا اكره
اكره بالجذب والبيه بيه
====================

[.Diyaa Nawar]

احذرك لاترد النوب واياك
وانه الي جنت فدنوب وياك
لوتدنى الكلب صدكني وياك
وبعد مالي كلب ينبض بديه
====================

[.Diyaa Nawar]

قصتي وياك مانعرف نحلهه
عزيزه الروح وفراكك نحلهه
لسعتي اليوم ماتعرف نحلهه
ولا نعرف دواهه تضل خفيه
=====================

[.Diyaa Nawar]

اطل الطيب يطلع من نبعنه
وشربته الماي صافي من نبعنه
شتضن ياعراق ارضك من بعنه
نبيع الروح منبيع الهويه
==================

[.Diyaa Nawar]

الكلب فرحان تك ومنفعل تك
وانا الندمان صدك منفعلتك
نسيت شلون بيدي منفعلتك
وهسه انت جبل صاير عليه
=====================

[.Diyaa Nawar]

سيوفك ليش علعايل مثلمه
بس وياي بايعلي مثل ما
ابيعك وامسح دموعي مثل ما
بعتني وشمتت عدواني بيه
====================