خل نبني وطن مابيه خلافات ...
لوچان ألشعب محتاج تغيير ...
أحنه أنريد أمان .. وخبزه للناس ...
منريدك عتاد وموضع أتصير ...
======================
خل نبني وطن مابيه خلافات ...
لوچان ألشعب محتاج تغيير ...
أحنه أنريد أمان .. وخبزه للناس ...
منريدك عتاد وموضع أتصير ...
======================
بعد ياحب تجيني أتگلي أحبك ...
كل حب أنتهه وماظل بديه ...
كل أللي بقالي وياك بس روح ...
وجرح منك غفه وساتر عليه ...
======================
فلسفتي أبحياتي ألدنيا كاسين ...
واحد صاحي أشوفه وثاني سكران ...
وهنه أثنينهن ينصبن أبميز ...
سواءً بي رجل لو عالأرض كان ...
======================
أذا تذبحني وحنه أخوان ...
معناهه أذبحت نفسي ...
غيري وغيرك أيروحون ...
ويصير ألزمن عكسي ...
بس ألحكمه تدري أو وين ...
من نگعد سوه أبكرسي ...
=================
وين انته واني وين احنا بكلشي مختلفين ...
واحد يضحك ومرتاح والثاني بدموع العين ...
مابينك وبيني دموع وجروح وكلب موجوع ...
لتظن اني وانته بيوم ننسه جروح الهه أسنين ...
واني وياك مانرتاح حتى الحب تركنا وراح ...
انسد أعله حبنه الباب والشك ضيع المفتاح ...
بس الكالي فرصه انساك لان مااكدر ابقه أوياك ...
حسيتك تريد تروح راح تروح اي همزين ...
لاتحچي الحچي ميفيد بس ينساك گلبي يريد ...
من تگرب احس مخنوگ واتنفس اذا انته بعيد ...
ليش وياك اضل تعبان احسن حل ترى النسيان ...
كلشي بحبك اتمناه يبعد هسه مو بعدين ...
============================
لاتجرح گلب وتعوفه مهموم ...
أريدك دوم تحمل مبدأ ألغيره ...
خليك أبتواضع ماشي ويه ألناس ...
حتى أتكون طيب لامع ألسيره ...
======================
سهران وأبد ماشفت طعم ألنوم ...
لأن مهموم گلبي وعايش أبحيره ...
بسك يازمن خليني مره أرتاح ...
شيصير ألبشر لو زاد تفكيره ...
=====================
دايخ بالزمن وألچاره مدري أشلون ...
فديتك يافهد لمن أتغنيهه ...
موال ألحزن صدگوني ياهلناس ...
بلسم للجروح ألچنت خافيهه ...
=========================
يگلبي أشلون عايش تنبض أسنين ...
وأعرفك منجرح وشكثر حسراتك ...
ما أذكر حقد فد يوم عايش بيك ...
ليش أنته أبحزن وتعيش مأساتك ...
أوصفك ذيب أنته وتبقه لازم ذيب ...
ماريدك ضعيف ومن أجل شاتك ...
عليك ألناس دارت والزمن وألكون ...
وأنته ألطيبه وألأحسان مالاتك ...
أعرفنك يگلبي بالنهايه أتموت ...
وشوف أشلون تضحك تبقه شماتك ...
==========================
شكراً يازمن وأني ألك ممنون ...
عصفور بره ألقفص وأنه أبسجن مسجون ...
ألدنيا تفتر عكس ويه ألأصيل أتخون ...
والنذل عايش منسعد !!! بس والله كلهه أتهون ...
==============================
رد مع اقتباس