شريان گلبي أنجرح مانفع بيه أضماد ...
وصفولي طب العرب وطب العرب مافاد ...
بزيت كل الأبر والألم تالي أزداد ...
ومن أذكر أمنين ألجرح ينزف أيظل أعناد ...
==========================
شريان گلبي أنجرح مانفع بيه أضماد ...
وصفولي طب العرب وطب العرب مافاد ...
بزيت كل الأبر والألم تالي أزداد ...
ومن أذكر أمنين ألجرح ينزف أيظل أعناد ...
==========================
أحبك ياحبيب الروح ...
لاتبعد عليه أتروح ...
گلبي من ألبعد مجروح ...
ليش أتريد تنساني ,,,
مهموم وأظل مهموم ...
ليش ألناس بيه أتلوم ...
تعال وخلي حبنه أيدوم ...
وأعيشك دوم بحضاني ,,,
أسولف بيك بحلامي ...
وأنته عمري وأيامي ...
أريدك دوم گدامي ...
غيرك ما أحب ثاني ,,,
أظل طول العمر أهواك ...
لتصدگ أبد أنساك ...
روحي وعقلي كلهه أوياك ...
أحسن بيك وجداني ,,,
==================
أسنيني تركض ركض ماحاجه أحسب ... وعد
والموت حق البشر من الله كلمة ........... وعد
شيفيد يوم الحشر لو گتله كرر ............. وعد
رجعني رب العرش وأعمل أبصالح ...... عمل
وأنطيني فرصة عمر وأجعل صلاتي .... عمل
غلطان كلمن مشه أبدرب ألذنوب ......... وعمل
وألباري واحد أحد مايوم يخلف ........... وعد
============================
صديقي وچنت اشيلك دوم فوگ الراس ...
ما اعرف شجاك اتغيرت وياي ...
ذخر حاسب احسابي اتكون وكت العوز ...
مو انته وشماته اتصير ويه اعداي ...
من باب العتب اعتب عليك اهواي ...
لأن انته الوحيد الحاسبك يمناي ...
من طبع الحياة اتعلم الأنسان ...
وانه اتعلمت من غدرك ابدنياي ...
عشرتنه الطويله اشلون بيك اتهون ...
وبلحظة زعل تتبده مثل الماي ...
بيك الملح ماغزر ولا زاد ؟؟؟ ...
شيفيد العتب يل كسرت جنحاي ...
صداقتنه انتهت بيهه الظلام ايعيش ...
بعد ماچانت امضويه ونجم بسماي ...
ماريدك بعد لو ذهب انته اتصير ...
وأكابر بالمرض لو صرت انته ادواي ...
========================
بعد ما ارجع الك لا مستحيل ...
روح للگلبك هواه وراده ....
اني مو سلعه الك يبن الحلال ...
اتبيع بيه وتشتري وتتماده ...
انته ما تعرف شنو معنى الغرام ...
لا وحگ الله وجميع اعباده ...
روح للمني خذاك اتهنه بيه ...
يجي يوم انگول ولفه اشفاده ...
لاتبقه بأمل وتعيش باألاحلام ...
انه گلبي اوياك زاد اعناده ...
==================
يساعده الله الگابلك طول النهار ...
اني بس نظره وأحس ذايب متت ...
انته لو مريت يم اعمى ابطريق ...
چان صاح ابصوت ابشركم شفت ...
=====================
افتتاح موفق
المشاركة الأصلية كتبت بواسطة جوانه
افتتاح موفقشكراً جزيلاً أخيتي
سجين وروحي محتاره وعليه طالت المده ...
ادير العين ماكو احباب كلمن حاير ابشده ...
خلص صبري يخوتي وحكَ المصطفى وجده ...
منو مثلي جفت دنياه ومنو مثلي انمرد جبده ...
ومنو مثلي الوكت اذاه وظلت دمعته ابخده ...
بس اصبر واكَول اتهون والله يفرج الشده ...
والله ايعين كل مظلوم لو صار الوكت ضده ...
==========================
اسمك ياعراق امدوخ التاريخ ...
لأن ارضك حضاره وكلهم ايعرفون ...
جبل شامخ تظل رغم الجره والصار ...
ورغم انف الحثاله الرادوا ايفرقون ...
علي الكرار عدنه ونعم من الحيد ...
مجرد لفظ اسمك سيدي ايخافون ...
شيعي وافتخر مايوم ادنكَ راس ...
وخليهم اعدائي اشما حجوا يحجون ...
داعش من اجيت ابراية الأسلام ؟؟؟
يا اسلام وانتم سبح متسبحون ...
لاتندكَ ولك بينه العراقيين ...
يانبع القذاره وعقلك ازغيرون ...
تمويلك يخايب كَلي انته امنين ...
طاحظكم شلع وكلاش ماتسوون ...
طبع الغيره عدنه وراية العباس ...
ماننذل ابد خليكم اتعرفون ...
====================
رد مع اقتباس