هنا

[.Diyaa Nawar]

ما أفتح أبد باب ألعتب وياك ...
حالف ما أفتحه بقفل سديته ...
سنتين ألعمر من عندي عده وراح ...
بس هم وحزن وجروح گظيته ...
رغم هاي ألسنين وگلبي عايش نار ...
جرحي بالصبر كل يوم شديته ...
ما أسأل وأگولن أنته ليش أتصير ...
وي شامت عليه أبضحك خليته ...
ولا أسأل وأكولن ليش ماوافيت ...
لأن أني ألأحبه أسنين وافيته ...
وافيت أشكثر بس خانوا ألأحباب ...
وگلبي أشگد حنين وناسي ماذيته ...
ماعندي بغض وي كل بشر مخلوق ...
وسلاحك بحر وياي هديته ...
أذا هذا ألبشر يرميني كومه أحجار ...
أني بالورد وألياس جازيته ...
========================

[.Diyaa Nawar]

حين يأتي ألليل ويصبح ألصمت سيد الأشياء ...
تبدأ رحلتي في عالم ألصمت الكئيب ...
أمر في طريقي على مأتم الأشواق ...
أواصل مسيرتي وتعصف بي ريح ألشتاء ...
تخيفني ألظلمة ألسوداء حتى يغالبني ألنعاس ...
فأنام على شواطئ الأوهام ...
وأمنح ألليل حلماً جديداً ...
حلماً لاأرى فيه أشباح أيامي ألماضيه ...
حلماً أنسى فيه جراح ألأمس ألقاسيه ...
فألى أين يقودني مصيري .. لا أعلم ...
ولاأعرف شئ عن مايحمله لي ألغد ...
==========================

[.Diyaa Nawar]

گاعد أگبال ألبحر وأتأمل ألأمواج ...
يايمه غربه ودمع والشوفتچ محتاج ...
دم ولحم هذا ألبشر مو من حديد وصاج ...
من بعدچ أني أتمرمرت صار ألحزن أفواج ...
مسجون طول ألعمر مايوم أجاني أفراج ...
صدگيني من أشتاگ ألچ مثل البحر لو هاج ...
تبقه ممثل يابشر وألزمن بالأخراج ...
وتبقين أنتي ألعلم وأنتي الملك والتاج ...
===========================

[.Diyaa Nawar]

أريدك لو نمت تتخيل الأموات ...
وتخلي المقابر دوم عد عينك ...
حياتك يابشر صدگني رمشة عين ...
وشوف أشلون گاعد تركض أسنينك ...
أبد لاتلتهي بالدنيا أترجاك ...
وحافظ عن صلاتك وأحتضن دينك ...
لأن وكت الممات أعمالك أنته أوياك ...
لا أم .. لا أخو .. تتصور أيعينك ...
=======================

[.Diyaa Nawar]

ما غيرت ألأسود بعده وياي ...
أغير گمت بس أبنوع ألأقماش ...
ومن يوم الرحت ما شفت كل نوم ...
واذا متثق تعال وحلف ألأفراش ...
نمت بس مره وحده وبيها تعبان ...
ومو بفراشي أبشرك لا بالأنعاش ...
=====================

[.Diyaa Nawar]

لماذا تركتني في مدن ألأحزان ...
ليش هيچ أوياي تتعامل صرت ...
أنا من أعطاك ألحب وألحنان ...
وأنته ما أعرف عليش أتغيرت ...
كنت أعتقد بأنك لاتفارقني مهما كان ...
هذا ظني وبيك دوم أتصورت ...
أصبحت من بعدك لا أشعر بالأمان ...
وألگلب أحزان عايش من نويت وسافرت ...
أحببتك حباً يشهد له ألزمان ...
تالي تنكر كل محبتي وتطعن وبيه أغدرت ...
===========================

[.Diyaa Nawar]

أنزل يامطر خلينه نفرح بيك ...
ونشوف ألزرع مرفوع من شانه ...
أسف يامطر متوهم أنه أوياك ...
لأن عدنه ألزرع مقفوله بيبانه ...
نستورد فقط ماعدنه كل تصدير ...
وأسواق ألعراق أليوم مليانه ...
مايعرف أبد فلاحي وين ألگاع ...
لأن صارت قديمه أتكون عنوانه ...
=======================

[.Diyaa Nawar]

أغبر يازمن وياي تعكس ليش ...
وتخلي ألشماته أتصير مرتاحه ...
تركض عالفقير وهذا حالك دوم ...
وتعيشه بألم وتزيد أجراحه ...
من طبعي حنين وناسي تعرف زين ...
روح أسأل جميع ألناس بالساحه ...
كافي يازمن خليني مره أرتاح ...
وأشوف ألوكت فرحه وعايش أفراحه ...
خلص عمري وأبد ماشفت راحه أبيوم ...
وجميع ألناس ضدي وشايل أسلاحه ...
أنه أشبدر مني وبيه هيچي أيصير ...
بس كلمن قسمته أبدنيا علاسه ...
خلص عمري أبعذاب وحزن فوگ أهموم ...
وأحس ألموت يمكن دگت أجراسه ...
مو صعبه ألبشر يترك ألدنيا أيموت ...
ولا فد يوم صعبه أيفارگ أنفاسه ...
أسولف من گلب مليان بس أهموم ...
ويكتب بالشعر ويوضح أحساسه ...
چنت شجره وعله ألأحباب أصير أفياي ...
ما أعرف شجاهم صاروا ألفاسه ...
بس ربك كريم ودوم بالمرصاد ...
ميعوف ألجرحني مرتفع راسه ...
========================

[.Diyaa Nawar]

لاترجع أبد صدگني تشبع ظيم ...
خليك أبمكانك عايش أبجنه ...
مناظر وألطبيعه وناس غير ألناس ...
مو مثل ألعراق ألعاش بألونه ...
حقيقه وما أجامل أني بألكلمات ...
لأن هذا ألبلد ماتفتهم منه ...
تفجير وقتل وأرهاب جاي أنعيش ...
وهذا أفلان شيعي وذاك من سنه ...
تعرف ياوكت يصفه ألعراق أنعيش ...
من تسمع ألعمه أتموت عل چنه ...
======================

[.Diyaa Nawar]

يزاير لو زرت عباس وحسين ...
أريد ألدمع منك يترس ألحضره ...
صدگني ألدمع بألحضره لو طاح ...
تشفع بألقيامه فاطمه ألزهره ...
=====================