انا بروحي طفل يتخايلك عيد
يم روضة جمالك هد رأسن روحه
شم ريحة حلاتك مدري بيه اشصار
شاف رموش عينك كال مرجوحه
انا البية طفل يريد كلشي البيك
... بس البيك عالي ومحد يلوحه
جيب البيك يمي ولاتضل هناك
اخذ مني عهد وياك لللوحه
يالوحة جمال ورسم رب الكون
مو رسام عادي الراسم اللوحه
اصبوحة شعر ونهيم بيك اليوم
وبحضرت جنابك نقرا اللصبوحه
خجلانه المنصة من الترافه البيك
نعدلها وترد بالكاع مطروحه
موسوعة جمالك مدرسة عشاك
وأنا بجملة حلاتك كاتب اطروحه
عثر جدم اللسان وماكدر يحجيك
يا مطلع قصيدة بشفة مذبوحه
رد مع اقتباس
المشاركة الأصلية كتبت بواسطة Dari
