هنا

[ارجع يازمان]

صلاة العازه
للمحتام
صليها قبل لتنام
وتوضه
بدموع العين
وبعد النيه والبعدين!
دير الوجه عالكعبه
لان جابت ابو الحسنين
وهو اتكفل الايتام!
،،،
أول
ركعه
تحجي ابصوت
يبو الحسنين راح انموت
وهاي
الناس هملتنه!
وأظن
تنكشف عورتنه!
والعازه اتعور التابوت!!!
،،
ثاني
ركعه
لعيالك
وكون الدمعه تبرالك

وبصوتك ترج الكون
والدمعه التذب اعيون

هلبت
يعتنيك
الموت
وتكسر خاطره ابهل صوت
ويخطفك انته واطفالك!
،،،،
ثالث
ركعه
للايتام
ما تنساهم ابدعوه
كون
الموت ياخذهم
ضلتهم صدك بلوه!
هاي
الدنيا
للظلام
شافوها اشكثرحلوه
لكن الك والايتام
هاي الدنيا ماتسوه!

،،،

رابع
ركعه
تتاكد
كون اتقبلوا صوتك
وتحس
بالسمه خطار
هسه اتعنو الموتك
مبخوت
واجاك الموت
بالك ينسه ويفوتك!
هاي
الفرصه يا معتاز
ماكو
داعي للجناز
حته ايشيل تابوتك
حته ايشيل تابوتك!
حسين الساعدي