يسألني القلم شبسرعة صار وداع
وتسألني الدفاتر وين كعدتنه
فدوة إنطونة فرصة نريد نبقة هنا
ما ردنة اوسمه نريد صحبتنة
بعد فترة زمن مهما يدور الكون
أمانة الله لا تنسون ذكرتنة
وداعا لضحكة والبسمه والعركات
وداعا لتعب ونوح وي سهرتنه
تعال إبريلنة الذمة اليوم اخر يوم
وإجة وكت البجي مطلوبة دمعتنة
غصبا نفترك والفركة شي محتوم
سواهة الزمن وراد فركتنة
وشتت كل شملنا وطشر الصحبان
وما نرجع بعد تعود لمتنة
خلص عمر الشباب وضاعت الأحلام
وهب ريح النذل طفة شمعتنة
الحب انتهى والورد صب دموع
من شاف الحزن بشفاف ضحكتنة
وأشوف بغيابك النت عزل بقة بس اثار
بقة فارغ مكان البيه كعدتنة
وشالوهة الاختصارات وسدوا الجاتات
وبدون أسماء ضلت بيض لوحتنة
رد مع اقتباس