قال الشاعر فخري البارودي
بلادُ العُربِ أوطاني من الشّـامِ لبغدانِ (يقصد بغداد) ومن نجدٍ إلى يمـنٍ إلى مصـرَ فتطوانِ لنا مدنيّةُ سَـلفَـتْ سنُحييها وإنْ دُثرَتْ ولو في وجهنا وقفتْ دهاةُ الإنسِ و الجانِ
واني اكول مبين كلش
من تريد تروح لدول الخليج شلع !!
لازم فيزا وطلب وكفيل مواطن درجه اولى ,اضافه الى موافقه امنيه تطول شهر لو اكثر وبعد كل هذا تحصل فيزا شهر!!
تريد تروح للاردن بالدفرات تحصل فيزا شهر ومن تدخل المطار الف تفتيش وتحقيق المن جاي ووين رايح وشعندك هنا !!!
اذا تروح لمصر لو تحصل فيزا مضروبه لو ماكو
خوب اذا تكفر وتروح لبنان يستقبلوك من المطار بالصلوات - العراقيين على صفحة صاله خاصه VIT !!! ويبدي التحقيق شكو جاي وشعندك شغل لوسياحه (على ساس همه المملكه المتحدة) وبعد ماتاكل طن البهذله يكولك طلع فلوسك اذا اقل من 200 دولار متدخل لو جد القعقاع .
اذا رحت لسوريا تلزم سره ع الفيزا فد 12 -13 ساعة وتدفع فلوس الفيزا وفوكاها هديه بسطيه لجماعه الحدود خطيه وذا مدفعت الهديه ينبشون اهل اهلك .
و بلاد المغرب العربي عليها السلام ( حتى لزعل ليديا ) منعرف شلون يرحولها وسالت المغاربه نفسهم معرفو شلون
شضل عدنا بس السودان شعندي رايح ابقى هنا احسن
ملاحظة :
هاي المعامله خاصه بالعراقيين اما الاجانب يكولوهم هلا بيك هلا وبجييتك هلا !!!!!
وهسه بعدها بلاد العرب اوطاني ؟؟؟
كن منصفاً ياسيدي القاضي .. ذنبي انا رجلُ بلا ماضي ... الف رحمه على روحك كاظم الساهر
رد مع اقتباس
المشاركة الأصلية كتبت بواسطة pretty osa
